އެ ރަސްމިއްޔާތުގައި އާ އިމާރާތް އެޅުމުގެ އެއްބަސްވުމުގައި މިނިސްޓްރީގެ ފަރާތުން ސޮއި ކުރެއްވީ ސްޓޭޓް މިނިސްޓަރު އިސްމާއިލް އަބްދުﷲ އެވެ. އަދި އެމްޓީސީސީގެ ފަރާތުން ސޮއި ކުރެއްވީ އެ ކުންފުނީގެ ޑެޕިއުޓީ އެމްޑީ އަހުމަދު ޝަރީފް އަބްދުލްރަހްމާން ޔޫސުފެވެ.

އެހެންނަމަވެސް އިމާރާތުގެ އަގާއި މުއްދަތެއް މިނިސްޓްރީން ހާމައެއް ނުކުރެ އެވެ.

ހެލްތު މިނިސްޓްރީން ބުނީ އެ މަޝްރޫއަކީ ކުޅުދުއްފުށި ރީޖަނަލް ހޮސްޕިޓަލް ޓާޝަރީ ފެންވަރަށް އަޕްގްރޭޑް ކުރުމަށް ކުރެވޭ މަސައްކަތުގެ ތެރެއިން ބައެކެވެ. އެގޮތުން އަލަށް އިތުރުކުރެވޭ އިމާރާތުގެ މަސައްކަތް ފެށުމުގެ ކުރިން އޮޕަރޭޝަން ތިއޭޓަރާއި ބައެއް އެހެނިހެން ހިދުމަތް ހޮސްޕިޓަލްގެ އެހެން ތަނަކަށް ބަދަލުކުރާނެ ކަމަށް އެ މިނިސްޓްރީން ބުންޏެވެ.

އާ އިމާރާތެއް އެޅުމާއެކު އެތަނުގައި ކާޑިއެކް ސެންޓަރަކާއި އިތުރު އާ ހިދުމަތްތަކެއް ފަށާނެކަމަށް އެ ހޮސްޕިޓަލްގެ ސީއީއޯ ނާޒިމާ އަލީ ވަނީ ކުރިން ކޭއޯއަށް ދެއްވި އިންޓަވިއުއެއްގައި ވިދާޅުވެފަ އެވެ.

ރޭ ބޭއްވި ރަސްމިއްޔާތުގައި އއ. ބޮޑުފުޅަދޫ ސިއްހީ މަރުކަޒަށް އަލަށް އިތުރުކުރާ އިމާރާތުގެ މަސައްކަތް ކުރުމަށް ވެސް ހަވާލު ކުރި އެވެ.

އިތުރު ލިޔުންތައް

ކުޅުދުއްފުށީ ރީޖަނަލް ހޮސްޕިޓަލް

ހެލްތް މިނިސްޓްރީ

އެމްޓީސީސީ

މިލިޔުމާއި ގުޅޭ