ޒަކާތު ހައުސްއިން މިއަދު ނެރުނު އިއުލާނުގައި ބުނީ ޒަކާތުގެ ގާނޫނުގެ ދަށުން، ރާއްޖޭގައި މުދަލު ޒަކާތް ނެރެނީ ރިހީގެ އަގަށް ބެލުމަށްފަހު ކަމަށެވެ. އެހެންކަމުން މިއަދުން ފެށިގެން ރާއްޖޭގައި ފައިސާއިން މުދަލު ޒަކާތް ނެރުން ވާޖިބުވާ ނިޞާބަކީ 21،836.50 ރުފިޔާ ކަމުގައި ކަނޑައަޅާފައިވާ ކަމަށް ޒަކާތު ހައުސްއިން ބުންޏެވެ.

މުދަލު ޒަކާތަކީ އިސްލާމްދީނުގެ ރުކުނަކަށްވީ ހިނދު، އެމީހެއްގެ މިލްކިއްޔާތުގައި ނިޞާބު ހަމަވާ މިންވަރަށް ފައިސާ ހުރެ، އެ ފައިސާ ހުންނަތާ ހިޖުރީ ގޮތުން އެއް އަހަރުވުމުން، ޝަރުއީ ހަމަތަކާ އެއްގޮތަށް އޭގެ ސާޅީސްބައިކުޅަ އެއްބައި (2.5 އިންސައްތަ) ނެރުމަށް ޒަކާތު ހައުސްއިން ވަނީ ވަސިއްޔަތްކޮށްފައެވެ.

މިދިޔަ އަހަރު ދެފަހަރަށް ވަނީ މުދަލު ޒަކާތުގެ ނިޞާބު ބޮޑުކޮށްފައެވެ. އެގޮތުން އެންމެ ފަހުން މުދަލު ޒަކާތުގެ ނިޞާބު ބޮޑުކުރީ މިދިޔަ ޑިސެމްބަރު 21ގައެވެ. އޭރު ބޮޑުކުރީ 19،527.90 ރުފިޔާއަށެވެ. އަދި އޭގެ ހަތަރު މަސް ކުރިން ނިޞާބު ކަމަށް 11،191.95 ކަނޑައެޅިއެވެ.

ތަފާސްހިސާބުތަކުން އެނގޭ ގޮތުގައި 2021ވަނަ އަހަރުން ފެށިގެން 2025ވަނަ އަހަރުގެ ނިޔަލަށް، ކޮންމެ އަހަރަކު 90 މިލިއަން ރުފިޔާއަށްވުރެ އިތުރަށް ޒަކާތުގެ ގޮތުގައި ލިބިފައިވެއެވެ. އެގޮތުން އެންމެ މަތިން މުދަލު ޒަކާތް ލިބިފައިވަނީ މިދިޔަ އަހަރެވެ. އެއީ 107.21 މިލިއަން ރުފިޔާއެވެ.

އިތުރު ލިޔުންތައް

އިސްލާމިކް މިނިސްޓްރީ

މުދަލު ޒަކާތް

މިލިޔުމާއި ގުޅޭ

އޭޝިއަން ބީޗް ގޭމްސްގައި ގައުމީ ދިދަ އުފުލުމުގެ ޝަރަފު ކުޅުދުއްފުށީގެ ދެ އެތްލީޓުންނަށް

ޓޯކިޔޯގައި ބާއްވާ 'ޖީ-ނެޓްސް' ސަމިޓާ ގުޅޭގޮތުން ޖަޕާނު ސަފީރާއި މޭޔަރު އާތިފް މަޝްވަރާކުރައްވައިފި