ރާއްޖޭގެ ފުރަތަމަ ސުނާމީ ރެޑީ ސިޓީގެ ޝަރަފް ކުޅުދުއްފުއްޓަށް

ޔުނެސްކޯގެ އައިއޯސީ އިން ދޫކުރާ "ސުނާމީ ރެޑީ" ސެޓްފިކެޓް ހާސިލުކުރާ ރާއްޖޭގެ ފުރަތަމަ ރަށަށް ވުމަށް ކުޅުދުއްފުށީން މުހިންމު މަސައްކަތްތަކެއް ފަށައިފިއެވެ.

މި މަސައްކަތުގެ ތެރެއިން ކުޅުދުއްފުށީގެ އެކި ސަރަހައްދުތަކުގައި ސުނާމީ އިވެކުއޭޝަން އެސެމްބްލީ ޕޮއިންޓް ނުވަތަ ރައްކާތެރިކަމުގެ ސަރަހައްދުތައް އަންގައިދޭ ޗާޓުތައް ހަރުކުރުމުގެ މަސައްކަތް މިހާރު ދަނީ ކުރަމުންނެވެ.

As Kulhudhuffushi City works towards becoming the Maldives' first @IocUnesco Tsunami Ready certified community, key preparedness measures are being implemented, including the installation of 📍Tsunami Evacuation Assembly Point maps.

🕌 Designated assembly points including… pic.twitter.com/84ks1v8S7t

— NDMA Maldives (@NDMAmv) July 15, 2026

ކާރިސާގެ ވަގުތުގައި މީހުން ހިމާޔަތް ހޯދާނެ ރައްކާތެރި މަރުކަޒުތަކެއްގެ ގޮތުގައި ކުޅުދުއްފުށީގެ މިސްކިތްތަކާއި، ސްކޫލްތައް ފަދަ އާންމު އިމާރާތްތައް ވަނީ ކަނޑައަޅާފައެވެ. އަދި ކާރިސާއެއްގެ އިންޒާރު ލިބުމާއެކު، ވީހާވެސް އަވަހަކަށް ރައްޔިތުންނަށް އެ މައުލޫމާތު ފޯރުކޮށްދިނުމަށްޓަކައި، މިސްކިތްތަކުގެ ލައުޑްސްޕީކަރު މެދުވެރިކޮށް އިންޒާރުގެ މެސެޖުތައް ފޮނުވޭނެ ނިޒާމެއް ވެސް މިހާރު ވަނީ ގާއިމުކޮށްފައެވެ.

ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީ (އެންޑީއެމްއޭ) ބުނީ މި މަޝްރޫއުގެ މައިގަނޑު މަގުސަދަކީ ކާރިސާތަކަށް ހޭލުންތެރިކޮށް، އަދި ކޮންމެ ވަގުތަކުވެސް ކުރިމަތިވެދާނެ ނުރައްކަލަކަށް ތައްޔާރުވެފައި އޮތް މުޖުތަމައެއް ބިނާކުރުން ކަމަށެވެ. ޔުނެސްކޯގެ "ސުނާމީ ރެޑީ" ސެޓްފިކެޓަކީ ވަކި މިންގަނޑުތަކަކަށް ފެތޭ ރަށްތަކަށް ދޫކުރާ ބައިނަލްއަގުވާމީ ޝަރަފެކެވެ.

މި މަސައްކަތް ކާމިޔާބުކަމާއެކު ނިމިގެންދާއިރު، ކުޅުދުއްފުށީ ވެގެންދާނީ ކާރިސާތަކުން ރައްކާތެރިވުމުގެ ނަމޫނާ ސިޓީއަކަށެވެ.