ވަގުފް ފަންޑަށް މި އަހަރުގެ މިހާތަނަށް ތިން މިލިއަނަށް ވުރެ ގިނަ ރުފިޔާ ލިބިފައިވާ ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ރޭ ވިދާޅުވެއްޖެ އެވެ.
އިސްލާމިކް މިނިސްޓްރީގެ މީޑިއާ ގްރޫޕަށް ރޭ ފޮނުއްވި މެސެޖެއްގައި މިނިސްޓަރު ވިދާޅުވީ އެ ފައިސާ ލިބުނީ މޯލްޑިވްސް އިންލެންޑް ރެވެނިއު އޮތޯރިޓީ (މީރާ)ގެ ވެބްސައިޓުގައި ވަގުފާއި ސަދަގާތްކުރުމަށް ހަދާފައިވާ ލިންކުތައް މެދުވެރިކޮށް ކަމަށެވެ.
އެ ފައިސާ ހަރަދުކުރާނީ ވަގުފް ފަންޑުގެ ޓްރަސްޓް ސްޓޭޓްމަންޓްގައި ބަޔާންވެގެންވާ ކަންކަމަށް، ވަގުފް ފަންޑު އުސޫލުގައިވާ ގޮތުގެ މަތިން ކަމަށް ވެސް މިނިސްޓަރު ވިދާޅުވި އެވެ.
އޭގެ ތެރޭގައި މިސްކިތްތައް ބިނާކުރުމާއި، މިސްކިތްތައް މަރާމާތުކޮށް ބެލެހެއްޓުމުގެ އިތުރުން ދީނީ ތައުލީމު ފެތުރުމާއި ދީނީ ލިޔުންތައް ޝާއިއުކުރުން ހިމެނެ އެވެ.
ރާއްޖޭގައި ވަގުފު މާލީ ނިޒާމު ހަރުދަނާކޮށް، ދެމެހެއްޓެނިވި ގޮތެއްގައި އާމްދަނީ ލިބޭނެ އިމާރާތްތަކާއި މަޝްރޫއުތައް ކުރިއަށް ގެންދިއުމަށް ސަރުކާރުން ހާއްސަ އިސްކަމެއް ދެ އެވެ. އެގޮތުން "ދާރުއްސަލާމް" އަދި "ދާރުއްނައީމް" ފަދަ ވަގުފު އިމާރާތްތައް ބިނާކޮށް، އެތަންތަނުން ލިބޭ އާމްދަނީން އިސްލާމީ ކަންތައްތަކަށް ހޭދަކުރުމުގެ މަޝްރޫއުތައް އަންނަނީ ހިންގަމުންނެވެ.
ނޮޅިވަރަންފަރު ސްކޫލްގެ އެންމެ މޮޅު ދަރިވަރަކަށް އާޔާ
އދ. ގައި ނަތަންޔާހޫ ތަގުރީރު ފެށުމާއެކު، ރާއްޖެ އާއެކު ގިނަ ގައުމުތައް މާލަމުން ނުކުމެއްޖެ
ގައުމީ ގުރުއާން މުބާރާތުގެ އެއްވަނަ އިޒުއާން، އިނާން އަދި ޒީކްއަށް
ޗައިނާ އަތުން ބަލިވި ނަމަވެސް ރާއްޖެއިން ހިތްވަރުގަދަ ކުޅުމެއް!
