'މިރާލީ'ގެ އޯގޭނިކް އަދި ސިއްހަތަށް ފައިދާހުރި އުފެއްދުންތައް ބޮޑު ތިލަދުންމަތީ ބޮޑު ބާޒާރަށް!

'މިރާލީ މޯލްޑިވްސް'ގެ ބައެއް އުފެއްދުންތައް ކުޅުދުއްފުށީގައި އޮންނަ ބޮޑު ތިލަދުންމަތި ބޮޑު ބާޒާރުން ލިބެން ހުންނާނެކަމަށް އެފަރާތުން ބުނެފި އެވެ.

'މިރާލީ މޯލްޑިވްސް' އަކީ ސިއްހަތަށް ފައިދާހުރި، އެއްވެސް ކެމިކަލެއް ބޭނުންނުކޮށް މުޅިންވެސް ތަބީޢީ ތަކެތިން އުފެއްދުންތައް ތައްޔާރުކުރުމަށް އިސްކަންދޭ، ދިވެހިންގެ އިތުބާރު ހޯދަމުން އަންނަ ބްރޭންޑެކެވެ.

ސިއްޙީ ގޮތުން ދުޅަހެޔޮ ދިރިއުޅުމަކަށް ލޯބިކުރާ ފަރާތްތަކަށް ހާއްސަކޮށްގެން 'މިރާލީ' އިން ތައްޔާރުކުރާ ހާއްސަ އުފެއްދުންތަކެއް، ކުޅުދުއްފުށީގައި ބާއްވާ 'ބޮޑު ތިލަދުންމަތި ބޮޑު ބާޒާރުގައި' މިހާރު ލިބެން ހުންނާނެ އެވެ.

ބާޒާރުން ލިބެން ހުންނާނެ 'މިރާލީ'ގެ ހާއްސަ އުފެއްދުންތައް:

- މުރަނގަ ފަތް ޕައުޑަރު (މޮރިނގަ ޕައުޑަރު): ކުޅުދުއްފުށީގެ ތާޒާ މުރަނގަ ފަތް ބޭނުންކޮށްގެން ތައްޔާރުކޮށްފައިވާ، ގިނަގުނަ ސިއްހީ ފައިދާތަކުން ފުރިގެންވާ އުފެއްދުމެއް.

- ދިވެހި ކާށިތެޔޮ (ވާޖިން ކޮކޮނަޓް އޮއިލް): ސީދާ ރާއްޖޭގެ ކާށިން، ޠަބީޢީ ގޮތެއްގައި ތައްޔާރުކޮށްފައިވާ ސާފު ކާށިތެޔޮ.

- މޮރިނގަ ޔޯގަޓް: ސިއްޙަތަށް ފައިދާހުރި މުރަނގަފަތުގެ މުއްސަނދިކަމާއެކު ތައްޔާރުކޮށްފައިވާ މީރު ޔޯގަޓެއް.

- އިނގުރާއި މާމުއި ބުއިން: ދިފާޢީ ނިޒާމު ވަރުގަދަކޮށްދީ، ހަށީގެ ވަރުބަލިކަން ދުރުކޮށްދިނުމަށް އިނގުރާއި މާމުއި ބޭނުންކޮށްގެން ތައްޔާރުކޮށްފައިވާ ފައިދާ ހުރި އިކޯ-ޑްރިންކެއް.

މިރާލީ މޯލްޑިވްސްއަކީ ކުޅުދުއްފުށީގައި އުފެދި، އޯގޭނިކް އަދި ސިއްހަތަށް ފައިދާހުރި ގުދުރަތީ އުފެއްދުންތަކަށް ހާއްސަ ސަމާލުކަމެއް ދީގެން އުފެއްދުންތައް ބާޒާރަށް ނެރެމުންދާ ރާއްޖޭގެ އަމިއްލަ ބްރޭންޑެކެވެ.

މިރާލީ'ގެ އެންމެ ބޮޑު އަމާޒަކީ އެއްވެސް ބާވަތެއްގެ މަސްނޫޢީ މާއްދާއެއް ނުވަތަ ކެމިކަލެއް ބޭނުންނުކޮށް، ސީދާ ޤުދުރަތީ ފައިދާތައް ހެޔޮގޮތުގައި އާންމުންނާ ހަމައަށް ފޯރުކޮށްދިނުމެވެ. ސިއްހަތަށް ފައިދާހުރި ތަކެއްޗަށް ލޯބިކުރާ ފަރާތްތަކަށް މިއީ ބޮޑު ތިލަދުންމަތި ބޮޑު ބާޒާރުން ލިބިގެންދާނެ ރަނގަޅު ފުރުޞަތެކެވެ.

ސެޕްޓެމްބަރު 30 އިން އޮކްޓޯބަރު 4 ގެ ނިޔަލަށް ކުޅުދުއްފުށީ ވެލިގަނޑު ސަރަޙައްދުގައި ކުރިއަށްދާ މި ބާޒާރުގައި މުނިފޫހިފިލުމަށް 6 މިއުޒިކް ބޭންޑެއްގެ ހުށަހެޅުންތައް ފެނިގެންދާނެ އެވެ.

އެގޮތުން މުނިފޫހިފިލުވުމުގެ ހަރަކާތްތަކުގެ ތެރޭގައި ބޮޑުބެރާއި މިއުޒިކް ބޭންޑްގެ ހުށަހެޅުންތައްވެސް ފެނިގެންދާނެ އެވެ. މީގެ އިތުރުން ބިރުވެރި ހޮހޮޅަ ތަޖުރިބާކުރުމުގެ ފުރުސަތުވެސް ލިބިގެންދާނެ އެވެ.

ގިނަ ހަރަކާތްތަކަކާއެކު ކުރިއަށްގެންދާ މި ބާޒާރުގައި އައިލެންޑް ކާނިވަލްގެ ގޭމްތައް ކުޅުމުގެ ފުރުސަތުވެސް ލިބިގެންދާނެ އެވެ. އެގޮތުން އެ ކާނިވަލްގައި 12 ކުޅިވަރެއް ހިމެނޭނެ ކަމަށް ސިޓީ ކައުންސިލުން މައުލޫމާތުދީފައިވެ އެވެ.

މި ބާޒާރުވެގެންދާނީ އަތޮޅުތެރޭގައި ބާއްވާ މިފަދަ އެންމެ ބޮޑު ބާޒާރަށެވެ. މި ބާޒާރުގައި 22 ވިޔަފާރިއަކުން ބައިވެރިވެފައިވާއިރު މިތަނުގައި ތަކެތި ހެޔޮއަގުގައި ލިބެން ހުންނާނެކަމަށް ވިޔަފާރިވެރިން މައުލޫމާތުދެ އެވެ.