އެމްޑީޕީގެ ރަސްމީ އެޕް "ޔެލޯ" ލޯންޗްކޮށްފި

އެމްޑީޕީގެ ރަސްމީ އެޕް "ޔެލޯ" ލޯންޗްކޮށްފި އެވެ.

މިހާރު ކުރިއަށްދާ އެ ޕާޓީގެ ކޮންގްރެސްގެ ތެރެއިން ލޯންޗްކުރި މި އެޕް މައިގަނޑު މަގުސަދަކީ ޕާޓީގެ އިދާރީ ކަންކަން ފަސޭހަކުރުމާއި، ޕާޓީގެ މެމްބަރުންނަށް ހިދުމަތް ދިނުން އިތުރަށް ހަރުދަނާކޮށް، ޕާޓީއާ މެމްބަރުންނާ ދެމެދު އޮންނަ ގުޅުން އިތުރަށް ބަދަހިކުރުމެވެ.

އައިޑީކާޑް ޖަހައިގެން ލޮގިން ކުރެވޭ މި އެޕްގައި އެމްޑީޕީގެ މެންބަރުންގެ ޑިޖިޓަލް ކާޑާއި އިތުރު ފީޗާސްތައް ހިމެނެ އެވެ.

އެ ގޮތުން އެންމެ ފަހުގެ ހަބަރުތަކާއި ކުރިއަށްހުރި ޕާޓީގެ ހަރަކާތްތައް ބަލާލެވޭ ކަލަންޑަރެއް ހިމެނެ އެވެ.

މީގެ އިތުރުން މެންބަރުންނާއި ގޮފިތަކާއި ކޮމިޓީތައް ގުޅުވާލެދޭ ކޮމިއުނިޓީ ޗެޓެއްވެސް މި އެޕްގައި ހިމެނެ އެވެ.