މުދައްރިސުންނަށް ފުރިހަމަ އެހީތެރިކަން ލިބޭނެ: ރައީސް

ޒުވާން ޖީލުތަކަށް މަގު ދައްކައި ދިނުމުގައި މުދައްރިސުން އަދާކުރަނީ މުހިންމު ދައުރެއް ކަމުގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިއަދު ވިދާޅުވެއްޖެ އެވެ.

ބައިނަލްއަގުވާމީ މުދައްރިސުންގެ ދުވަހުގެ މުނާސަބަތުގައި އެކްސްގައި ކުރެއްވި ޕޯސްޓެއްގައި ރައީސް މުއިއްޒު ވަނީ މުދައްރިސުންގެ އިލްމީ ގާބިލުކަމާއި ނުގުޑާ އަޒުމާއި ދަރިވަރުންގެ ކުރިމަގު ބައްޓަން ކުރުމަށް ކުރާ މިންނެތް މަސައްކަތުގެ އަގު ވަޒަންކުރައްވާ ކަމަށް ވިދާޅުވެ ގައުމުގެ މުސްތަގުބަލަށްޓަކައި މުދައްރިސުން ވަމުންދާ ގުރުބާނީ އާއި ހިދުމަތަށް ޝުކުރު ދަންނަވާފަ އެވެ.

Teachers everywhere are helping young people navigate a rapidly changing world. On World Teachers’ Day, we honour their knowledge, dedication and the lasting influence they have on our young minds, and express our heartfelt gratitude for their service, sacrifice and commitment for the future of our nation.

Our responsibility is to ensure that teachers have the support and conditions they need to perform their vital role effectively.

This administration is committed to prioritising teacher wellbeing, reducing excessive workloads, improving working conditions, strengthening inclusive education, and expanding teacher capacity to support children with disabilities.

When we support our teachers, we strengthen the foundation on which our children and our nation will grow. Let us continue to value the teaching profession, invest in our educators, and build an education system where every teacher has the support they need to help every child reach their full potential.

— Dr Mohamed Muizzu (@MMuizzu) October 5, 2026

ރައީސް މުއިއްޒު ވިދާޅުވީ އެންމެންގެ ޒިންމާއަކީ ވެސް ޓީޗަރުންނަށް އެ މީހުންގެ މަސައްކަތް އެންމެ ރަނގަޅު ގޮތުގައި ކުރެވޭނެ މާހައުލު ގާއިމުކޮށްދިނުމުގައި އެހީތެރިކަން ފޯރުކޮށްދިނުމެވެ.

އެ މަނިކުފާނު ވިދާޅުވީ މިއީ ޓީޗަރުންގެ ދުޅަހެޔޮކަމަށް އިސްކަންދޭ ސަރުކާރެއް ކަމަށެވެ. އަދި ޓީޗަރުންގެ މަސައްކަތުގެ ބުރަ މަދުކުރުމާއި އެ މީހުންގެ މަސައްކަތުގެ ހާލަތު ރަނގަޅު ކުރުމާއި އިންކްލޫސިވް އެޑިއުކޭޝަން ހަރުދަނާކުރުމުގެ އިތުރުން ނުކުޅެދުންތެރިކަން ހުންނަ ކުދިންނަށް އެހީތެރިވުމަށް ޓީޗަރުންގެ ގާބިލުކަން އިތުރުކުރުން ފަދަ މަސައްކަތަކަށް އިސްކަންދީގެން މި ސަރުކާރުން އެ މަސައްކަތް ކުރައްވަމުން ގެންދަވާ ކަމަށް ރައީސް ވިދާޅުވި އެވެ.

ރައީސް ވިދާޅުވީ ޓީޗަރުންނަށް ސަޕޯޓުކުރުމުގެ ސަބަބުން ކުދިންނާއި ގައުމު ވެސް ކުރިއަރާނެ ކަމަށެވެ.

ރައީސް ވަނީ ޓީޗަރުންގެ އަގުވަޒަން ކުރައްވައި ތައުލީމީ ދާއިރާއަށް އިންވެސްޓްކޮށް، އެ ދާއިރާ ކުރިއެރުވުމަށް މަސައްކަތްކުރުމާ އެކު ޓީޗަރުންނަށް ކޮންމެ ކުއްޖެއްގެ ވެސް އެންމެ ފުރިހަމަ ގާބިލުކަން ނެރުމަށް އެހީތެރިވާ ބަޔަކަށް އެންމެން ވެސް ވުމަށް އެދިވަޑައިގެންފަ އެވެ.

ކޮންމެ އަހަރެއްގެ ވެސް އޮކްޓޫބަރު މަހުގެ 5 ވަނަ ދުވަހަކީ ބައިނަލްއަގްވާމީ ޓީޗަރުންގެ ދުވަހެވެ.