އިބްރާހިމް ހަމީދު
ކުޅުދުއްފުށީގައި ހުރި ސަރުކާރު އޮފީސްތަކުގެ މެދު ބާއްވާ އިންޓަރ އޮފީސް ފުޓްސަލް މުބާރާތުގައި 15 އޮފީހަކުން ބައިވެރިވެފައިވާ ކަމަށް އެމުބާރާތް އިންތިޒާމް ކުރާ ޒިގްޒެގް ޖަމިއްޔާއިން ބުނެފި އެވެ.
ޒިގްޒެގް ޖަމިއްޔާގެ އޮފިޝަލެއްކަމަށްވާ ޢަބްދުއްސަލާމް އާދަމް ވިދާޅުވީ ކުޅުދުއްފުށީގައި ހުރި ސަރުކާރުގެ އޮފީސްތަކަށާއި ކުންފުނިތަކަށް ބައިވެރިވެވޭގޮތަށް ބާއްވާ މިމުބާރާތުގައި ބައިވެރިވުމަށް ހުޅުވާލި މުއްދަތު ހަމަވިއިރު 15 ފަރާތަކުން ބައިވެރިވުމަށް އެދި އެޕްލިކޭޝަން ފޯމް ހުށަހަޅާފައިވާ ކަމަށެވެ.
މިއަހަރުގެ މުބާރާތުގައި ބައިވެރިވާ ޓީމު ތަކުގެ ތެރޭގައި މަތިއުތުރު ގައުމީ އިދާރާ، ރަށު ކައުންސިލް އިދާރާ، ކުޅުދުއްފުށި ޕޯރޓް ލިމިޓެޑް، ކުޅުދުއްފުށީ ހޮސްޕިޓަލް، ކަސްޓަމްސް އަދި ދިރާގު ހިމެނެއެވެ. މީގެ އިތުރުން ޖަލާލުއްދީން ސްކޫލް، އަފީފުއްދީން ސްކޫލު، ހދ އަތޮޅު ތަޢުލީމީ މަރުކަޒް، ކުޅުދުއްފުށީ ޕޮލިސް، އެމްއެންޑީއެފް ފަޔަރ އެންޑް ރެސްކިޔު، އެސްޓީއޯ، އެމްޑަބުލިޔުއެސްސީ، ރޯޑް ޑިވޮލޮޕްމަންޓް ކޯޕަރޭޝަން އަދި ކުޅުދުއްފުށީ އިންޖީނުގެއިން މިމުބާރާތުގައި ބައިވެރިވެފައި ވެއެވެ.
ސަރުކާރު އޮފީސްތަކަށާއި ކުންފުނިތަކަށް އަމާޒުކޮށްގެން ބާއްވާ ފުޓްސަލް މުބާރާތް ފެށޭނީ މި އޮކްޓޯބަރ މަހުގެ 9 ގައެވެ. މިމުބާރާތުގެ މެޗުތައް ކުޅޭނީ ކުޅުދުއްފުށީ ޒޯން ސްޓޭޑިއަމްގައެވެ.
ސްޓެއަރިން ކޮމެޓީއަށް އަލަށް ވަޓްސް އެޕް ގުރޫޕެއް ހެދިކަމަށް ބުނާ ވާހަކައަކީ ދޮގެއް: ރަފީޓޯ
އަލަށް ހެދި ވަޓްސް އެޕް ގުރޫޕަށް އެޑްނުކުރުމުން ކުރީގެ ގުރޫޕުން ބައެއް މެންބަރުން ނުކުމެއްޖެ
ހަނިމާދޫ އެއާޕޯޓްގެ މަސައްކަތް ސެޕްޓެމްބަރަށް ނިމޭނެ: މުއްތަލިބު
ކުޅުދުއްފުށީ ޓުއަރިޒަމް ބޯޑްގެ ޗެއާއަކަށް އަލީ، ވައިސް ޗެއާއަކަށް އަބުދުލްލަތީފް
