ފުރަތަމަ 100 ދުވަހުގެ ތެރޭ 20 މިލިޔަން ސެމްސަންގ އެސް ތްރީ ވިއްކައިފި

.

ސްމާޓްފޯނު އިންޑަސްޓްރީގައި އެންމެ ކުރީގައި އުޅޭ ސެމްސަންގ ކުންފުނިން، އެކުންފުނިން މީގެ ތިންމަސް ކުރިން ބާޒާރަށް ނެރު ސެމްސަންގ އެސްތްރީ ފޯނުގެ 20 މިލިޔަން ފޯނު ފުރަތަމަ 100 ދުވަސްތެރޭ ވިއްކައިފިއެވެ.

މިއީ އެކުންފުނީ ސެމްސަންގ ގެލެކްސީ އެސްޓޫ ގެ ރިކޯޑަށް ވުރެ 3 ގުނަ އަވަސް ރިކޯޑެކެވެ. ގެލެކްސީ އެސްޓޫ އަށް 20 މިލިޔަން ސޭލްސް ހަމަވެފައިވަނީ 10 މަސް ދުވަހުންނެވެ. ގެލެކްސީ އެސް ގެ 20 މިލިޔަން ފޯނު ވިއްކުނީ 17 މަސްދުވަހުންނެވެ.

އެސްތްރީގެ ރިކޯޑުތަކަށް ބަލާއިރު ޔޫރަޕްގެ ގައުމުތަކަށް ވަނީ 6 މިލިޔަން ފޯނު ވިކިފައެވެ. އޭޝިޔާގައި 4.5 މިލިޔަން ފޯނު ވިކުނުއިރު އުތުރު އެމެރިކާގައި 4 މިލިޔަން ފޯނު ވިއްކިއެވެ. ކޮރެއާގައި 2.5 މިލިޔަން އެސްތްރީ ވިއްކިއެވެ.

އެޕަލް އިން ސެމްސަންގ އާދެކޮޅަށް ދައުވާކޮށް ސެމްސަންގ އަށް ނާކާމިޔާބު ވެފައިވާ ދަނޑިވަޅެއްގައި މިއީ ވަރަށް ބޮޑު ކާމިޔާބީއެއް ކަމަށް އިންޑަސްޓްރީގެ މާހިރުން ސިފަކުރެއެވެ. ސެމްސަންގ އިން ބުނާގޮތުން ދުވާލެއްގެ މައްޗަށް ސެމްސަންގ އެސްތްރީގެ 2 ލައްކަ ފޯނު ވިކެއެވެ. ސެމްސަންގ އިން ވަނީ އެކުންފުނީގެ ގެލެކްސީ ނޯޓު 2 މިދިޔަ ހަފްތާގައި ބާޒާރަށް ނެރެފައެވެ.