“އައި ނީޑް ޓު ނޯވ”

ޢަލީ ހާޝިމް ދީދީ

“އައި ނީޑް ޓު ނޯވ” އަކީ އެމެރިކާގެ މަޝްހޫރު ލަވަކިޔުންތެރިޔާ މާކް އެންތަނީ ވިދާޅުވެފައިވާ ވަރަށް ރީތި، އަދި އެހާމެ ކާމިޔާބު ލަވައެކެވެ. މި ލަވަ ރިލީޒްކުރެވުނީ 1999 ވަނަ އަހަރެވެ. އަދި އެއާއެކު، ބިލް ބޯޑު ހޮޓް 100 ޗާޓުގެ 3 ވަނައިގައި މި ލަވަ ހިމެނި، ހޮޓް ލެޓިން ޓްރެކްސްގެ 1 ވަނަ މަޤާމުގައި ޖެހިޖެހިގެން 5 ހަފްތާ ވަންދެން މި ލަވަ އޮތެވެ. މި ލަވައަށް ލެޓިން ގްރެމީ އެވޯޑްސްގައި “ސޯންގ އޮފް ދަ އިޔަރ” ނުވަތަ “އަހަރުގެ ލަވަ” ގެ އެވޯޑް ވެސް ވަނީ ލިބިފައެވެ.

މާކް އެންތަނީއަކީ، މަޝްހޫރު ލަވަކިޔުންތެރިޔާ ޖެނިފަރ ލޮޕޭޒްގެ ކުރީގެ ފިރިމީހާއެވެ. އަދި އޭނާއަކީ ލޯބީގެ ވަރަށް ރީތި ލަވަތައް ވިދާޅުވެފައިވާ ބޭފުޅެއް ވެސް މެއެވެ. އެތައް ބައެއްގެ ނަޒަަރުގައި މާކް އެންތަނީއަކީ ލޯބީގެ ލަވަތަކުގެ ރަސްގެފާނު ވެސް މެއެވެ. ޚުދު އަޅުގަނޑު ވެސް ދެކޭ ގޮތުގައި މި ފަހަކަށް އައިސް، މާކް އެންތަނީއާ އެ ރޮނގުން އަރާ ހަމަކުރެވުނު އެއްވެސް ބޭފުޅަކު ވެސް ނެތެވެ.

މި ފަހަރު އަޅުގަނޑު މި ހުށަހަޅައިދެނީ މާކް އެންތަނީގެ “އައި ނީޑް ޓު ނޯވ” ގެ ދިވެހި ތަރުޖަމާއެވެ. އިނގިރޭސި ލަވައިގައި ހުރި ޖާޒުބިއްޔަތު މި ތަރުޖަމާއިން ވެސް ނެރެދެވޭތޯ އަޅުގަނޑު މަސައްކަތްކޮށްފައިވާނެއެވެ. ތަރުޖަމާ ތިޔަ ބޭފުޅުންނަށް ކަމުދާނެ ކަމަށް އަޅުގަނޑު އުންމީދުކުރަމެވެ. މި ތަރުޖަމާއާއެކު، ޔޫޓިއުބުގައިވާ ލަވައިގެ ވީޑިއޯ ވެސް ހިމަނާލާފައިވާނެއެވެ.

އަހަރެން ހޯދަން ކަލާ އުޅޭކަމަށް،

ރަށު ތެރޭގައި މީހުން އެބަ ކިޔައެވެ.

ކަލާ އުޅެނީ އަހަރެން ބޭނުންވެގެން ކަމަށް ވެސް އެބަ ވާހަކަ ދެކެވެއެވެ.

އަހަރެން އެއްބަސްވާން ޖެހެއެވެ.

(އެ ވާހަކަ) އެއީ އަހަރެން އަޑުއަހަން ބޭނުންވާ ވާހަކައެވެ.

އެހެން ނަމަވެސް، އެއީ ހަމަ ހުސް ވާހަކައެވެ.

ކަލާގެ ގާތަށް އަހަރެން ގެންދިޔުމަށް ދާންދެނެވެ.

އެ ވާހަކަތައް އެއީ ތެދެއް ކަމަށްވާނަމަ،

އެކަނިވެރިކަމުގައި އަހަރެން މިތަނަށް ދޫކޮށް ނުލާށެވެ.

ކަލާގެ ގާތަށް އަހަރެން ދުވަހަކު ވެސް ގެންދާނެތޯ އަހަރެންނަށް ވިސްނެނީއެވެ.

ކަލާގެ އިޙުސާސަކީ ކޮބައިކަން،

އަހަރެންގެ ގާތުގައި ބުނެދީބަލާށެވެ.

އެކަން އެނގުން އަހަރެން ބޭނުންވެއެވެ.

ކަމަނާއެވެ. އަހަރެން ދާންވީ މިސްރާބު،

އަހަރެންނަށް ކަލާ އަންގައިދޭށެވެ.

އެއީ، އެކަން އެނގުން އަހަރެން ބޭނުންވެއެވެ.

އެކަން އެނގުން އަހަރެން ބޭނުންވެއެވެ.

ކަމަނާއެވެ. އަހަރެންގެ ގާތުގައި ބުނެބަލާށެވެ.

އެއީ، އެކަން އެނގުން އަހަރެން ބޭނުންވެއެވެ.

އެކަން އެނގުން އަހަރެން ބޭނުންވެއެވެ.

އެކަން އެނގުން އަހަރެން ބޭނުންވެއެވެ.

ކަމަނާއެވެ. އަހަރެންގެ ގާތުގައި ބުނެބަލާށެވެ.

އެއީ، އެކަން އެނގުން އަހަރެން ބޭނުންވެއެވެ.

އަހަރެންނަށް ކުރެވޭ ހަމަ ކޮންމެ ޚިޔާލަކީ ވެސް،

އެ ކަން (އެ ވާހަކަތައް) ތެދަކަށް ވުމެވެ.

ކަލާއާ މެދު ފިކުރު ނުކުރުން އެއީ ދަތިކަމަކަށް ވާން ފަށައިފިއެވެ.

ކަމަނާއެވެ. އަހަރެން މިހިރީ ހަމަ ސީދާ

އަހަރެން ހުންނަން ބޭނުންވާ ތަނުގައެވެ.

މިހާރު އަހަރެން ހަމައެކަނި ބޭނުންވާ ކަމަކީ،

މިތާ، އަހަރެންގެ ގާތުގައި ކަލާ ވުމެވެ.

އެ ވާހަކަތައް އެއީ ތެދެއް ކަމަށްވާނަމަ،

އެކަނިވެރިކަމުގައި އަހަރެން މިތަނަށް ދޫކޮށް ނުލާށެވެ.

ކަލާގެ ގާތަށް އަހަރެން ދުވަހަކު ވެސް ގެންދާނެތޯ އަހަރެންނަށް ވިސްނެނީއެވެ.

ކަލާގެ އިޙުސާސަކީ ކޮބައިކަން،

އަހަރެންގެ ގާތުގައި ބުނެދީބަލާށެވެ.

އެކަން އެނގުން އަހަރެން ބޭނުންވެއެވެ.

ކަމަނާއެވެ. އަހަރެން ދާންވީ މިސްރާބު،

އަހަރެންނަށް ކަލާ އަންގައިދޭށެވެ.

އެއީ، އެކަން އެނގުން އަހަރެން ބޭނުންވެއެވެ.

އެކަން އެނގުން އަހަރެން ބޭނުންވެއެވެ.

ކަމަނާއެވެ. އަހަރެންގެ ގާތުގައި ބުނެބަލާށެވެ.

އެއީ، އެކަން އެނގުން އަހަރެން ބޭނުންވެއެވެ.

އެކަން އެނގުން އަހަރެން ބޭނުންވެއެވެ.

އެކަން އެނގުން އަހަރެން ބޭނުންވެއެވެ.

ކަމަނާއެވެ. އަހަރެންގެ ގާތުގައި ބުނެބަލާށެވެ.

އެއީ، އެކަން އެނގުން އަހަރެން ބޭނުންވެއެވެ.