އަދަބިއްޔާތު – ކީއްވެގެންތޯ…؟ (ކެންޑިޑޭޓުންގެ ފޯރަމާމެދު)

އާދަމް އިބްރާހީމް ދުރުމީ، ހދ.ކުޅުދުއްފުށި

ކީއްވެގެންތޯ ނުކެރުނީ ކުރިމަތިލުމަށް ފަސްޖެހެވުނީ

ކީއްކުރަންތޯ ތިއުޅެނީ ހިތްވަރުކުރަން ވެސް ނުކެރުނީ

ރައްޔިތުން ވިންދާ ލެޔާ، ކަށްޓާ މަހާ އެނގެޔޭ ބުނާ

ރައްޔިތުން ބޭނުންވި ހިނދު ބަޔަކަށް އެކަންތައް ނޭނގުނީ

ރައްޔިތުން ބޭނުންގޮތަށް ޚިދުމަތް ކުރަން ބުނެފައިތިހެން

ރައްޔިތުންގެ ޝުޢޫރުތައް ހުރިގޮތް ބަލަގަ ތިޔަ ނޭނގުނީ

ޒިންމާ ތަކެއް އުފުލަން އުޅޭ ބަޔަކަށް ލިބުނު މޮޅު ވަގުތުގައި

ޒިންމާތަކުން ވެވި އެއްކިބާ، ޒިންމާ ނަގަން ތިޔަ ނުކެރުނީ

މިނިވަން ކަމާ އެކު ބަސްބުނާ މިނިވަން ބަޔެއްކަމުގައި ވެގެން

މިނިވަން ކަމެއް ނެތިފައި ތިހެން މީހެއްގެ ދަށުގައި ތިޔަވަނީ

ބަޔަކު މީހުން ތިޔަ ކުރާ ކަންތައްތަކަށް ވަގުތެއް ނެތޭ

ބަޔަކަށް ބުނާ ތިޔަހެން ދުލުން ރުހުމެއް ލިބޭނޭ ހީވަނީ

ވޯޓެއްގެ ބޭނުމުގައި ތިހެން ތާޢީދު ހޯދަން އުޅުމަކުން

ވޯޓެއް އަލުން ގިނަ ރައްޔިތުން ދީފާނެހެން ތިޔަ ހީވަނީ

ކައްތައް ތަކެއް ގިނަ ގުނަ ކުރާން ހުރިކަމަކުވެސް އެކަމަށް ޓަކައި

ކަންތައް ތަކުގެ ތެރެއިން ވިޔަސް ވަގުތެއް އެކަމުގައި ނުދެވުނީ

ގެއްލިއްޖެ ކަމުގައި ހީވެޔޭ ތާޢީދު އޮތް ލިބިފައި ކުރިން

ގެއްލުނު ތަނެއް އަނބުރާ އަލުން އަތުވާނެހެން ތިޔަ ހީވަނީ