ނުދޭށޭ ތިޔަގޮތަށް އަނިޔާ

އާދަމް އިބްރާހީމް ދުރުމީ، ހދ.ކުޅުދުއްފުށި

ރާގު: ނުދާށޭ ވަކިވެގެން އަދު ތިޔަ ގޮތަށް އަހަރެން އެކަނި ކޮށްފައި

ނުދޭށޭ ތިޔަގޮތަށް އަނިޔާ މަށަށް ތިޔަހެން މި ދުނިޔޭގައި

ޔަޤީނޭ އޭގެ ހިތި އަނިޔާ ފަހުން ފެންނާނެ އާޚިރުގައި

ޒަވާޖުގެ ވާފަށުން މިދެރޫޙު ލޯބިން އޭރު ގުޅުވާފައި

ޙަޔާތަށް އައި އުފާވެރި ކަން މުޅިން ބަރުބާދު ކޮށްލާފައި

ނުދޭށޭ ތިޔަގޮތަށް އަނިޔާ…………

ފޮޅުނު މާތަށް ޙަޔާތުގެ އޭރު އައި މޫސުން ބަހާރީގައި

ޖެހުނު ގަދަ ހޫނު ރޯޅިއަކުން އެ މާތަށް މޯޅި ކޮށްލާފައި

ނުދޭށޭ ތިޔަގޮތަށް އަނިޔާ…………

އެޅުނު ބިންގާ ޙަޔާތުގެ ތިޔަ އަތުން ލޯބީގެ ގަނޑުވަރުގައި

އުޅުނު ލޯބީގެ ގަނޑުވަރު ތިޔަ އަތުން އެކުގައި ތަޅާލާފައި

ނުދޭށޭ ތިޔަގޮތަށް އަނިޔާ…………

ފެނުނު ފޮނި ރީތި ހުވަފެން ތައް ޙަޤީޤަތަކަށް ހަދަން ބުނެފައި

އެދުނު ހުރިހާ އެދުން މިހިތުން މުޅިން ބޭކާރު ކޮށްލާފައި

ނުދޭށޭ ތިޔަގޮތަށް އަނިޔާ…………

އެކުރި ވަޢުދާ ހުވާ ދެމިހުން އެކީ އުޅުމަށް މިދުނިޔޭގައި

ނުކުރި ޤަދަރެއް ތިބާ ، އެ ހުވާ މުޅިން އެކުގައި އުވާލާފައި

ނުދޭށޭ ތިޔަގޮތަށް އަނިޔާ………..