ބުޅަލެއް ސަލާމަތްކުރަން އުޅުނު އަންހެނެއް ގަހެއްގައި ތާށިވެއްޖެ

ގަހެއްގައި ތާށިވެފައިވާ ބުޅަލެއް ސަލާމަތްކުރަން އުޅުނު އެމެރިކާގެ އަންހެނަކު އެ ގަހުގައި ތާށިވެއްޖެ އެވެ.

މިދިޔަ އާދިއްތަ ދުވަހު އެމެރިކާގެ ނޯދަން ޕެންސަލްވޭނިއާގެ ހަތަރުވަނައަށް އެންމެ އާބާދީ ބޮޑު ސިޓީ ކަމުގައިވާ އެރީ ގައި ހިނގި މި ހާދިސާގައި ގަހުގައި ތާށިވެފައިވަނީ 21 އަހަރުގެ ތާރާ ޑެނިސް އެވެ. ތާރާ ސަލާމަތްކޮށްފައިވަނީ 28 ފޫޓުގެ ހަރުގަނޑެއް ބޭނުންކޮށްގެން އެ ސިޓީގެ ފަޔާ ފައިޓަރުން ނެވެ.

ތާރާ ބުނިގޮތުގައި އެ ގަހުގެ ތެރެއިން ބުޅަލެއް ރޯ އަޑު އިވޭތާ ދުވަސް ކޮޅެއް ވެފައިވާ ކަމަށެވެ. އަދި އޭނާ އަށް އެ މަންޒަރު ބަލަން އުނދަގޫވާތީ ގަހަށް އަރައި ބުޅާ ސަލާމަތްކުރުމަށްފަހު އޭތި ގޮވައިގެން ފައިބަނިކޮށް ގަހުގައި ތާށިވީކަމުގަ އެވެ.

އެމެރިކާގެ މި ސިޓީ މަޝްހޫރުވެފައިވަނީ އެ ސިޓިގައިވާ ރީތި ފެންގަނޑެއް ސަބަބުންނެވެ.

-ހަފިންގްޓަން ޕޯސްޓް-