ފަލަސްތީނުގެ ހުރިހާ ރައްޔިތުން މެރުމަށް ގޮވާލި ޖޯން ރިވާސް “ކޯމާ”އަށް

މަޝްހޫރު ކޮމެޑިއަން ޖޯން ރިވާސް އޭނާގެ ކަރުގެ ސާޖަރީއެއް ކުރަނިކޮށް ނޭވާލުން ހުއްޓާލުމުން “މެޑިކަލް ކޯމާ”އަކަށް ލައިފި އެވެ.

81 އަހަރުގެ ޖޯން ވަނީ މީގެ ދުވަސް ކޮޅެއް ކުރިން ފަލަސްތީނުގެ ހުރިހާ ރައްޔިތުން މެރުމަށް ގޮވާލާ އިސްރޭއިލަށް އޭނާގެ ތާއީދު ހާމަކޮށްފަ އެވެ.

އޭނާ ބުނެފައިވަނީ ފަލަސްތީނުގެ ރައްޔިތުންނަކީ މަރަން ހައްގު ބައެއް ކަމަށާއި ހަމަނުޖެހުންތައް ފެއްޓީ އެމީހުން ކަމަށެވެ. އަދި ގައްޒާ ބިމުން ފޭބުމަށް އެންގުމުން ނުފޭބީ ކަމަށާއި ފަލަސްތީނުގެ ރައްޔިތުންނަކީ މޮޔައިން ކަމަށެވެ. އަދި ޝަހީދުވެގެން ގޮސްފައިވާ މީހުންނަކީ ވިސްނުމުގެ ބާރު ދެރަ މީހުން ކަމަށްވެސް އޭނާ ބުނެފައިވެ އެވެ.

މިދިޔަ ބުރާސްފަތި ދުވަހު ނިއު ޔޯކްގެ ހޮސްޕިޓަލެއްގައި ފަރުވާންދޭން ފެށި ޖޯން އަދިވެސް ވަނީ “ކްރިޓިކަލް” ހާލުގައި ކަމަށް މައުލޫމާތު ލިބެ އެވެ.

ޖޯން ރިވާސްއަކީ ކޮމެޑިއަންނެއްގެ އިތުރުން އެތައް ބައެއްގެ މަގުބޫލުކަން ހޯދާފައިވާ ޕްރޮޑިއުސަރެއް، ލިއުންތެރިއެއް އަދި ޓީވީ ހޯސްޓެކެވެ.