ފައްތާހުގެ “އާދޭސް” ކުޅުދުއްފުށީގައި

މަޝްހޫރު ޑައިރެކްޓަރ އަބްދުﷲ ފައްތާހުގެ ފިލްމް އާދޭސް ރޭ ކުޅުދުއްފުށީގައި ތިލަދެކުނު ސިނަމާގައި އަޅުވައިފި އެވެ.

ދެ އާއިލާއެއްގެ ތެރޭ ހިނގާ ހާދިސާ ތަކެއް ދައްކުވައިދޭ މި ފިލްމަކީ ލޯބީގެ ފިލްމެކެވެ. މި ފިލްމާ ބެހޭގޮތުން ވާހަކަ ދައްކަވަމުން ފައްތާހު ވިދާޅުވީ އާދޭސް މި ފިލްމަކީ “ވަރަށް ލޯބިން” އުފެއްދި ފިލްމެއް ކަމަށާއި އަދި ފިލްމް ބަލަން ވަޑައިގަތް ހުރިހާ ބޭފުޅުންނަށް ޝުކުރު އަދާކުރި އެވެ.

މި ފިލްމްގައި ހަރަކާތްތެރި ވަނީ މޫސާ ޒަކަރިއްޔާ، ނިއުމާ މުހައްމަދު، ހުސެއިން ސޮބާހް، އާމިރާ މުހައްމަދުގެ އިތުރުން މިހާރު ވިދަމުން އަންނަ ދެތަރިން ކަމަށްވާ އަޒޫ އަދި އައްޔަ އެވެ.