30 އަހަރުން ދަށުގެ ލަވަކިޔުންތެރިންގެ ތެރެއިން ބޮޑު އާމްދަނީލިބޭ މީހުންގެ ލިސްޓްގެ އެއްވަނަ ޖަސްޓިންއަށް
ޕޮޕް ލަވަކިޔުންތެރިޔާ ޓޭލާ ސްވިފްޓް އާއި ވަން ޑިރެކްޝަން ބޭންޑް ފަހަތަށް ޖައްސާލުމަށްފަހު 30 އަހަރުން ދަށުގެ އެންމެ ބޮޑު އާމްދަނީއެއް ލިބޭ މީހުންގެ ލިސްޓްގެ އެއްވަނައަށް ޖަސްޓިން ބީބާ އަރައިފި އެވެ.
ޖަސްޓިން ވަނީ މިދިޔަ އަހަރު 80 މިލިއަން ޑޮލަރު އޭނާގެ ވޯލްޑް ޓްރިޕްތަކާއި އިސްތިހާރުތަކުން ހޯދާފަ އެވެ.
ޖަސްޓިންއާ އެންމެ ކައިރިން ވާދަކުރި ވަން ޑިރެކްޝަން މި ލިސްޓްގެ ދެވަނަގައިވާއިރު އެ ބޭންޑަށް އާމްދަނީއެއްގެ ގޮތުގައި 75 މިލިއަން ޑޮލަރު ލިބިފައިވެ އެވެ.
އަދި ވަން ޑިރެކްޝަންގެ ހެރީގެ ކުރީގެ ލޯބިވެރިޔާ ޓޭލާ ލިސްޓްގެ ތިންވަނާގައި އޮތްއިރު އޭނާއަށް 64 މިލިއަން ޑޮލަރު ލިބިފައިވެ އެވެ.
މި ލިސްޓްގެ ހަތަރުވަނާގައި ބްރޮނޯ މާރސް އޮތްއިރު ފަސްވަނަ މަގާމް ހާސިލްކޮށްފައިވަނީ ރިހާނާ އެވެ.
