ރަންބީރް އަދި ކެޓްރީނާ 2016 ވަނަ އަހަރު ކައިވެނި ކުރަނީ

ބޮލީވުޑްގެ މަޝްހޫރު ދެ ބަތޮލާ ރަންބީރް ކަޕޫރް އަދި ކެޓްރީނާ ކެއިފް 2016 ކައިވެނި ކުރާނެ ކަމަށް ރަންބީރް ކަޕޫރް ބުނެފިއެވެ.

ގިނަ ދުވަސްތަކެއް ވަންދެން ލޯބީގެ ހަޔާތް ސިއްރު ކޮއްގެން އުޅުނު ރަންބީރް ކަޕޫރް ކެޓްރީނާއާއި ކައިވެނި ކުރުމަށް ބުނެފައި މިވަނީ ދާދި ފަހުން އިންޑިޔާގެ ނޫސް މަޖައްލާ އަކަށް ދިން އިންޓަވިއުއެއްގައި ވާހަކަ ދައްކަވަމުންނެވެ.

2016 ވަނަ އަހަރު ކައިވެނި ކުރަން ރަންބީރް ނިންމައިފަ މި ވަނީ މި އަހަރު އެދެމީހުންގެ ފިލްމީ މަސައްކަތައް ގިނަވެ އަދި އެކަމުގައި ބިޒީކޮށް އުޅެން ޖެހޭ އަަހަރަކަށް ވާތީ އެވެ.

ރަންބީރް ކަޕޫރްގެ ނިކުންނަން އޮއެއް ފިލްމް “ބޮންބޭ ވެލްވެޓް” ގެ ޕްރޮމޯޝަން ގައި އޭނާ ބިޒީކޮށް އުޅެމުންދާއިރު ކެޓްރީނާ އުޅެނީ “ކާންސް ފިލްމް ފެސްޓިވަލަށް” ދިއުމުގެ ތައްޔާރީ ތަކުގައެވެ.

ރަންބީރް ކަޕޫރަށް 33 އަހަރުވެފައި ވާއިރު މިހާރު މިވަނީ އަމިއްލަ އާއިލާއެއް ބިނާކުރަން ޖެހިފައި ކަމަށާއި ކެޓްރީނާވެސް ބޭނުން ވަނީ މިހެން ކަމަށް އިންޓަވިއުގައި އޭނާ ވާހަކަ ދައްކަވަމުން ބުންޏެވެ.