މިނިވަން 50 ހާއްސަކޮށްގެން ދައުވަތު ބޭންޑުން ލަވަ ސީޑީއެއް ނެރެފި

މިނިވަން 50 ގެ ކުޅިވަރުތަކުގެ ތެރެއިން ފުނަ ޝޯ އާ ދިމާކޮށް “ދައުވަތު ބޭންޑުން” 3 ލަވައިގެން ސީޑީއެއް ނެރެފި އެވެ.

ދައުވަތު ބޭންޑް ފަރާތުން ނެރުނު މި ލަވަ ސީޑީ ވަނީ ހދ އަތޮޅު ކައުންސިލަށް ހަދިޔާ ކޮށްފަ އެވެ. ލަވަ ސީޑީ ހަދިޔާކުރުމަށް މިއަދު އަތޮޅު ކައުންސިލްގައި ބޭއްވި ހަފްލާއެއްގައި ސީޑީ އާއި ހަދިޔާކުރެއްވީ ދައުވަތު ބޭންޑްގެ ވޯކަލިސްޓެއް ކަމަށްވާ އަލީ މުހައްމަދެވެ. ކައުންސިލުގެ ފަރާތުން ސީޑީއާ ހަވާލުވީ ކައުންސިލްގެ ރައީސް އާދަމް ނާސިރެވެ.

ސީޑީ ހަވާލުކުރުމުގެ ހަފްލާގައި ދައުވަތު ބޭންޑް ލީޑް ވޯކަލިސްޓް އަބުދުއްރަޝީދު (ދޮންބެ) ބުނީ މިއީ އެބޭންޑު މިނިވަން 50 އާ ގުޅުވައިގެން ނެރުނު ސީޑީ އެއްކަމަށާއި މާދަމާ ކުޅުދުއްފުށީގައި ބާއްވާ ފުނަ ޝޯގައި މިލަވަތައް އަޑު އިވިގެންދާނެ ކަމަށް އުއްމީދުކުރައްވާ ކަމަށެވެ.

ހދ އަތޮޅު ކައުންސިލްގެ ރައީސް އާދަމް ނާސިރު ވިދާޅުވީ މިނިވަން 50 ގުޅުވައިގެން މިފަދަ ލަވަ ސީޑީއެއް ނެރުމުން ޝުކުރު އަދާކުރައްވާފަ އެވެ. އަދި ކުރިއަށް އޮއްތާ މިފަދަ ހަރަކާތްތަކުގައި ކުލަބު ޖަމްއިއްޔާގެ ބައިވެރިވުން އިތުރުވާނެ ކަމަށް އުއްމީދުކުރައްވާ ކަމަށް ނާސިރު ވިދާޅުވި އެވެ.

ދައުވަތު ބޭންޑްގެ ދެ ވޯކަލިސްޓުން ކަމަށްވާ އަލީ މުހައްމަދާއި އަބުދުއްރަޝީދު( ދޮނޭ) އަޑު ހިމެނިފައިވާ މި ލަވަތަކުގެ ލިރިކްސް ހަދާފައިވަނީ ދުރުމި، އާދަމް އިބުރާހިމެވެ.