ޕްލާސްޓިކް ސާޖެރީ ހެއްދުމަށް އަހަރެންނަށް ނަސޭހަތްތެރިވި: ދިޕިކާ

ދިޕިކާ ޕަޑުކޯންއަކީ ބޮލީވުޑްގައި މިހާރު ހުރި އެންމެ މޮޅު ތަރިންގެ ތެރެއިން ހިމެނޭ ތަރިއެކެވެ. ދީޕިކާ ވަނީ ރާމް ލީލާ އަދި ޕީކޫ ފަދަ ފިލްމް ތަކުން ދައްކުވައިދިން އެކްޓިންގެ ހުނަރުން ގިނަ ބައެއްގެ މަގުބޫލުކަން ހޯދާފައި އެވެ. އަދި އިންޑިއަން ސިނެމާގައި އެންމެ ރީތި ތަރިންގެ ތެރެއިންވެސް ދީޕިކާ ހިމެނެއެވެ.

ދިޕިކާ ކައިރީގައި ޕްލާސްޓިކް ސާޖަރީއެއް ކުރުމަށް މީހަކު ނަސޭހަތްތެރިވިކަމަށް ދާދި ފަހުން ދިޕިކާއާ ކުރި އިންޓަވިއުއެއްގައި އޭނާ ބުނެފިއެވެ.

ދިޕިކާ މިހެން ބުނެފައިވަނީ ނޫސްވެރިޔަކު ދާއިރާއާ ބެހޭގޮތުން ލިބުނު އެންމެ ކަމުނުދާ ނަސޭހަތަކީ ކޮބައިކަމަށް ސުވާލުކޮށްލުމުން ދިން ޖަވާބުގައި އެވެ.

މީހަގެ ނަން ހަމަނުކުރަމުން ދިޕިކާ ބުނެފައި ވަނީ އޭނާ ކައިރީގައި ޕްލާސްޓިކް ސާޖަރީއެއް ހެއްދުމަށް ނަސޭހަތްތެރިވީ އެކްޓިންގެ ދައިރާއަށްވެސް ދިޕިކާ ނުނިކުންނަ އިރު ކަމަށެވެ.

2007 ވަނަ އަހަރު ބޮލީވުޑްގެ ހަޔާތް ފެއްޓި ދީޕިކާ ވަނީ އެކަން މިހަތަނަށް ލިބުނު އެންމެ ކަމުނުދާ ނަސޭހަތެއްގެ ގޮތުގައި ފާހަގަކޮށްފައި އެވެ.

މީގެ އިތުރުން ލިބުނު އެންމެ ރަނަޅު ނަސޭހަތަކީ ކޮބައިކަމަށް އަހާލުމުން ދިޕިކާ ބުނެފައިވަނީ އެންމެ ރަނގަޅު ނަސޭހަތް އަބަދުވެސް ދެނީ ބައްޕަ ކަމަށާއި އެގޮތުން ކުރާކަމެއް ކުރާހިތުން ކޮށް އެކަން އުފަލާއިއެކު ކުރުމަށް ބައްޕަ ދިން ނަސޭހަތަކީ ފާހަގަކޮށްލެވޭ ރަނގަޅު ނަސޭހަތެއް ކަމަށެވެ.