ސައިތަ ނޫނީ ކޮފީއެއްތަ؟

ސައިތައްޓެއް ނުވަތަ ކޮފީތައްޓެއް އިހުތިޔާރުކުރަން ދީފިނަމަ ޔަގީނުންވެސް ދިވެހިންގެ ތެރެއިން ގިނަ ބަޔަކު އިހްތިޔާރު ކުރާނީ ކޮފީއެވެ. ގިނަ ޒުވާނުން ދެވިހިފާފައިވާ ބުއިމަކަށް ކޮފީ ވާއިރު މި “ޗޮއިސް” ގޯހެކޭ ނުބުނެވޭނެ އެވެ. މި ދެބާވަތުގެ ތެރެއިން ހަށިގަނޑަށް ބޮޑަށްފައިދާ ކުރަނީވެސް ކޮފީއިންނެވެ.

އެގޮތުން މި ދެބުއިމުގައި ހިމެނޭ ތަފާތުތަކަށް ބަލާލަމާ ހެއްޔެވެ.

ކޮފީ އަދި ސައިގައިވެސް ކެލެރީޒް އެއްވަރަކަށް ހިމެނޭ އިރު ޕްރޮޓީން އެއްވެސް ވަރަކަށް ސައިގައި ނުހިމެނެ އެވެ. ކޮފީގައި ޕްރޮޓީން ހިމެނެނީ 0.6ގ އެވެ. އަދި ކޮފީއާއެކު އެއްވެސް ވަރަކަށް ކިރު އެއްނުކުރި ނަމަވެސް 1 ޕަސެންޓް ކެލްސިއަމް ކޮފީގައި ހިމެނެއެވެ. ނަމަވެސް ސައިގައި ކެލްސިއަމް އެއްވެސް ވަރަކަށް ނުހިމެނެއެވެ.

މެގްނީސިއަމްއަށް ބަލާއިރު ސައިގައިވެސް އަދި ކޮފީގައިވެސް 4 ޕަސެންޓަށް މެގްނީސިއަމް ހިމެނެއެވެ. އެހެންނަމަވެސް ފޮސްފަރެސް ގިނައިން ހިމެނެނީ ކޮފީގަ އެވެ. އެއީ 1.4 ޕަސެންޓެވެ. ސައިގައި ފޮސްފަރެސް ހިމެނެނީ އެންމެ 0.5 ޕަސެންޓެވެ.

ގިނައިން ޕޮޓޭސިއަމްވެސް ހިމެނެނީ ކޮފީގަ އެވެ. އެއީ 7 ޕަސެންޓެވެ. ސައިގައި ޕޮޓޭސިއަމް ހިމެނެނީ އެންމެ 5 ޕަސެންޓެވެ. އެހެންނަމަވެސް ބޭނުންކުރާ ސައިތަށި ބުއިން އެއްކޮށް ހުއްޓާނުލާށެވެ.

ޔަގީނުންވެސް މި ދެ ބުއިމުގެ ތެރެއިން ގިނައިން ކެފެއިން ހުންނާނީ ކޮންބުއިމެއްގަ ކަން އެންމެނަށް އެނގޭނެއެވެ. ސައިގައި ކެފެއިން ހިމެނެނީ 95ގ އެވެ. ނަމަވެސް ކޮފީގައި 195 ގ ކެފެއިން ހިމެނެއެވެ.