ފޭރުފަތް: ނުކައި ދޫކޮށްލެވޭވަރު އެއްޗެއް ނޫން

ގިނަ ބަޔަކަށް ނޭނގި ހުރެދާނެ ދާނެއެވެ. އެެހެންނަމަވެސް ފޭރެކޭ އެއްވަރަށް ފޭރު ފަތަކީވެސް ހަށިގަނޑަށް ފައިދާހުރި އެއްޗެކެވެ. އަދި ގިނަ ބަލިތަކުގެ ބޭހެއްގެ ގޮތުގައިވެސް ބޭނުން ކުރެވޭނެ އެއްޗެކެވެ. އެގޮތުން ކޮލެސްޓްރޯލް، ޑައިރިއާ، އަދި ޑައިބެޓީސް ހުންނަ މީހުންނަށް ފޭރުފަތަކީ ރަނގަޅު ބޭހެކެވެ.

ޑައިރިއާ ގެ މައްސަލަތައް ހުންނަ މީހުން ފޭރުފަތުގެ ސައި ބޭނުން ކުރާށެވެ. ހާއްސަކޮށް ހަށިގަނޑު ތެރޭގައި ހުންނަ ޖަރާސީމުތައް ނައްތާލުމަށްވެސް ފޭރުފަތް އެހީވެދެއެވެ. ގިނަ ބަޔަކު މިހާރުވެސް ބޭރަށްހިންގުމުގެ މައްސަލަ ހުންނަނަމަ ޅަ ފޭރު ކެއުމުގައި ހިމަނައެވެ.

ދިރާސާ ތަކުން ދައްކާގޮތުގައި ކްލެސްޓްރޯލް ލެވެލް މަތީ މީހުންނަށް ފޭރުފަތުގެ ސައި ބޭނުންކޮށްގެން ޑޮކްޓަރީ ބޭހުގެ ބޭނުން ކުރުން އެއްކޮށް ހުއްޓާލެވިދާނެ އެވެ. އަދި ކޮލެސްޓްރޯލް ލެވެލް އެއްކޮށް ހަމައަަކަށް އަޅުވާލެވިދާނެ އެވެ. އެގޮތުން 8 ހަފްތާ ވަންދެން ގަވައިދުން ދުވާލަކު 2 ފަހަރު ފޭރުފަތުގެ ސައި ބޭނުން ކުރާށެވެ.

ޑައިބެޓީސް ނުވަތަ ހަކުރު ބައްޔަކީވެސް ގިނަ ބަޔަކަށް ދިމާވެފައިވާ މައްސަލައެވެ. އެހެންނަމަވެސް ހަކުރު ބަލި އިތުރަށް ގޯސްވިޔަނުދީ އެއްވަރެއްގައި ހިފެހެއްޓުމަށް ވެސް ފޭރުފަތަކީ ބޭހެކެވެ. އެގޮތުން ކެއުމަށްފަހު ފޭރުފަތުގެ ސައި ބުއިމުން ހަށިގަނޑުގައި ހަކުރު ހިމެނޭ ވަރު އެއް ލެވެލްގައި ހިފަހައްޓައި ދެއެވެ. އެގޮތުން 12 ހަފްތާވަންދެން ގަވައިދުން މި ސައި ބޭނުން ކުރުމުން މި ބައްޔަށް ބޮޑު ލުޔެއް ލިބިގެންދާނެ އެވެ.