ސިންގަޕޫރުގެ ސަރުކާރުން ސިވިލް ސާވިސްގެ މުވައްޒަފުންގެ އިންޓަނެޓް ބުލޮކް ކުރަން ނިންމައިފި

ސިންގަޕޫރުގެ ސަރުކާރުން ސިވިލް ސާވިސްގެ މުވައްޒަފުންގެ އިންޓަނެޓް ބުލޮކް ކުރަން ނިންމައިފި އެވެ.

މި އަންނަ އަހަރުގެ މެއި މަހުން ފެށިގެން ސިންގަޕޫރުގެ ސަރުކާރުން މިވަނީ އެގައުމުގެ ސިވިލް ސާވިސްގައި މަސައްކަތްކުރާ މީހުންނަށް އިންޓަނެޓަށް ނުވަދެވޭ ގޮތަށް ހަދަން ނިންމައިފަ އެވެ.

ދަ ސްޓްރެއިޓްސް ޓައިމްސް ބުނާ ގޮތުގައި ސެކިއުރިޓީ ރިސްކް ކުޑަ ކުރުމަށް 100،000 ވުރެން ގިނަ ކޮމްޕުޓާރ އިން އިންޓަނެޓްގެ ހިދުމަތް ކަނޑާލެވޭނެ އެވެ.

އިންފޮކޮމް ޑިވެލޮޕްމެންޓް އޮތޯރިޓީގެ ސްޕޯކްސް ޕާސަން ބުނާގޮތުގައި ނެޓްވޯކް ވަރުގަދަ ކުރުމުގެ ގޮތުން ގަވައިދުން އައިޓީގެ ނެޓްވޯރކް ސިންގަޕޫރުގެ ސަރުކާރުން ބަލާކަމަ ށެވެ.

ސަރުކާރުގެ އެޖެންސީތަކަށާއި މިނިސްޓްރީއަށް އަދި ސްޓޭޓުއަރީ ބޯޑަށް މިހާރު ވަނީ މިކަމާއި ބެހޭ މެމޯ ފޮނުވާފަ އެވެ.

ސިވިލް ސާވިސްގެ މުވައްޒަފުންނަށް އިންޓަނެޓް ދެން ބޭނުން ކުރެވޭނީ އަމިއްލަ ފޯނުންނާއި ޓެބްލެޑް ތަކުން ނެވެ. އަދި އެއީ އިންޓަނެޓް ބޭނުން ކުރަން ޖެހޭ މަސައްކަތެއް ނަމަ އޮފީސްތަކަށް ވަކިން އިންޓްނެޓް ޓާމިނަލް ހަދާނެކަމަށް ވެއެވެ.

ސަރުކާރުން މިގެނައި ބަދަލާއި ގުޅިގެން ސިވިލް ސާވެންޓުން ދަނީ ސޯޝަލް މީޑިއާގައި ނުރުހުން ފާޅުކުރަމުން ނެވެ.