ކަރީނާ ކަޕޫރު ބަލިވެއިން ވާހަކައަކީ ދޮގެއް

ބޮލީވުޑްގެ ކާމިޔާބު ބަތަލާ ބަލިވެއިން ވާހަކައަކީ ފަހަކަށް އައިސް އިންޑިއާގެ ނޫސްތަކުގައި ދައްކަމުން އަންނަ ވާހަކައެކެވެ. އަދި އޭނާގެ ސަޕޯޓަރުންނަށް ވެސް އެކަހަލަ ސިގްނަލެއް ލިބިގެން އެބައުޅެއެވެ. އެއީ މިދުވަސްކޮޅު ކަރީނާ ވަރަށް އާއިލާ މީހެއްގެ ގޮތުގައި ފެންނަން ފަށައިފައި ވާތީއެވެ.

ނަމަވެސް އެންމެ ފަހުން ކަރީނާ ހަގީގަތް ހާމަކޮށްފި އެވެ. އޭނާ އިނީ ބަލިވެއެއް ނޫނެވެ.

“އަހަންނަކީ ވެސް އަންހެނެއް. ނަމަވެސް މިވަގުތު ތިބުނާ ކަހަލަ ކަމެއް ނެތް.” ކަރީނާ ބުންޏެވެ.

ނަމަވެސް ކަރީނާ ބަލިވެއިން ވާހަކަ ސަޕޯޓަރުން ޝައުގުވެރިވެގެން ދައްކާތީ އޭނާ ވަރަށް އުފާވާހަކަށް ބުނެފައެވެ. އަދި ސަމާސާއަކަށް ބުނެލިއެވެ.

“އަހަރެން ފޮރުވައިގެން ގެންގުޅޭ 5 ކުދިން ލަންޑަންގަ ތިބޭނެ.”