8 ސީޒަނަށް ފަހު ވެމްޕައާރ ޑައިރީސް ނިންމާލަނީ

Jul 25, 2016

7 ސީޒަން ދައްކާފައި 8 ވަނަ ސީޒަނަށް ފަހު ދަ ވެމްޕައާރ ޑައިރީސް ނިންމާލަނީ ކަމަށް މި ސީރީސްގެ ޕްރޮޑިއުސަރުން ބުނެފިއެވެ.

މި ސީރީސްގެ ޕްރޮޑިއުސަރުން އަދި ކާސްޓުން ވެގެން މިވަނީ ފެއާރ ވެލް ވީޑިއޯ އެއްވެސް ހަދާފައެވެ. ނުވަ މިނެޓް ގެ މިވީޑީއޯގައި ޕޯލް ވެސްލީ ބުނެފައިވަނީ މި ސީރީސް އަކީ އޭނާގެ ދިރިއުޅުން ބަދަލުކޮށްލި ޝޯވ އެއްކަމަށެވެ. މި ސީރީސްގެ ޕްރޮޑިއުސަރެއް ކަމަށްވާ ވިލިއަމްސަން ބުނަނީ މިއީ އޭނާ ވަރަށް ހިތްދަތިދުވަސް ވަރެއްގައި ފެށި ޝޯވ އެއްކަމަށެވެ.

ޝޯވ ދައްކާ ސީޑަބްލިއު އަދި މި ސީރީސްގެ ކާސްޓުން ތިބީ ޝޯވ ނިންމާލަން ޖެހޭތީ ވަރަށް ދެރަވެފައެވެ. ނަމަވެސް ބޭނުންވާގޮތަށް ބެލުންތެރިންނަށް މި ޝޯވ ކަމުގޮސް އަދި ފޭނުންގެ ސަޕޯޓް މި ޝޯވއަށް ލިބުމުން އުފާކުރާކަމަށް ސީޑަބްލިއު ގެ ޕްރެސިޑެންޓް މާރކް ބުނެއެވެ.

މިޝޯވ ގެ އެންމެ ފަހު ސީސަންގައި 16 އެޕިސޯޑް ހިމެނޭއިރު ޕްރިމިއާރ ކުރަން ހަމަޖެހިފައިވަނީ އޮކްޓޯބަރ 21 ގައެވެ.

މިލިޔުމާއި ގުޅޭ