ބައެއް ކާނާ ކެއުން އެންމެ ރަނގަޅު ވަގުތު

ބައެއް މީހުންނަށް ހީވާ ކަހަލަ ސިއްހަތައް ފައިދާހުރި ކޮންމެ ކާނާ އަކީ ކޮންމެ ގަޑިއެއްގައިވެސް ކެއުން ރަނގަޅު އެއްޗެއް ކަމުގައި އެވެ. އެކަމަކު ބައެއް ކާނާ ކެއުމުގައި އެންމެ އޭގެން އެންމެ ފައިދާވާ ގަޑި ތަކެއް ހުރެއެވެ. އެގޮތުން

ދޮންކެޔޮ

ދޮންކެޔޮ ކެއުން އެންމެ ރަނގަޅީ މެންދުރު ކެއުމުގެ ވަގުތުގައި އެވެ. އޭރުން ހަށިގަނޑުގައި އުފެދޭ ވިހަ މާއްދާތައް ދުރުކޮށްދިނުމުގެ އިތުރުން ކުލަ ހަށިގަނޑު އަލި ކޮށްދެއެވެ.

ދޮންކެޔޮ ނިދުމުގެ ކުރިން ނުވަތަ ރޭނގަޑު ކެއުމުގައި ހިމެނުން ރަނގަޅެއް ނޫނެއެވެ. އޭގެ ސަބަބުން ހަޖަމު ކުރުމަށް އުދަނގޫ ވެއެވެ.

އާފަލު

އާފަލު ކެއުން އެންމެ ރަނގަޅީ ހެނދުނުގެ ސައި ވަގުތު ނުވަތަ ހެނދުނު ހޭލައި ހުސްބަނޑާ ހުރެއެވެ. އެއީ އާފަލުގައި ހިމެނޭ ޕެކްޓިންގެ ސަބަބުން ހަށިގަނޑުގައި ހުންނަ ހަކުރުގެ އަދި ކޮލެސްޓްރޯލް ލެވެލް ދަށްކޮށްދެއެވެ.

އާފަލު ރޭނގަޑުގެ ކެއުމުގައި ހިމެނުމުން ހަޖަމު ކުރުމަށް އުދަނގޫވުމުގެ ސަބަބުން ބަނޑުގައި ވިހަ މާއްދާ ތަކެއް އުފައްދައެވެ. އެހެންކަމުން ނިދުމުގެ ކުރިން ނުވަތަ ރޭނގަޑު ކެއުމުގައި އާފަލު ނުހިމަނާށެވެ.

ކިރު

ކިރުތަށި ބުއިން އެންމެ ރަނގަޅު ވަގުތަކީ ރޭނގަޑު ނިދުމުގެ ކުރިން ހޫނު ކިރުތައްޓެކެވެ. އޭގެ ސަބަބުން ނިދުމަށް އެހީވެދެ އެވެ.

ހެނދުނުގެ ވަގުތަކީ އެންމެ ހެލިފެލިވެ އުޅެން ޖެހޭ ވަގުތެވެ. އެގޮތުން ހެނދުނުގެ ވަދުތު ކިރުދަށި ބުއިމުން ބަނޑުގައި ރިހި ހަޖަމުކުރުމަށް އުދަނގޫވެއެވެ.

ޑާކް ޗޮކްލެޓް

ޑާކް ޗޮކްލެޓް ކެއުން އެންމެ ރަނގަޅީ ހެނދުނު ވަގުތެވެ. އެއީ ޑާކް ޗޮކްލެޓް ގައި ހިމެނޭ އެންޓިއޮންސިޑެންސްގެ ސަބަބުން މުސްކުޅިވުމުން ދުރުކޮށް ހިތުގެ ބަލިދުރުކޮށްދެއެވެ.

ޑާކް ޗޮކްލެޓް ކާގަޑީގެ ދެމެދުގައި ނުވަތަ ކެއުމުގެ ފަހުން ކެއުމުން ހަށިގަނޑުގައި ސަރުބީޖަހާ މިންވަރު އިތުރުވެ އެވެ.