މޯލްޑިވިއަން އައިޑޮލް ސީޒަން 2 މިމަހު 27 ގައި ދައްކަން ފަށަނީ

މޯލްޑިވިއަން އައިޑޮލްގެ ސީޒަން ދޭއް މިމަހު 27 ގައި ދައްކާގޮތަށް ހަމަޖެހިއްޖެ  އެވެ.

ޕަބްލިކް ސަރވިސް މީޑިއާއިން ފުރަތަމަ ފަހަރަށް ރާއްޖެއަށް ތައާރަފްކުރި ފްރެންޗައިޒް އުސޫލުން ބޭއްވޭ ބައިނަލްއަގްވާމީ ބްރޭންޑެކެވެ.

މޯލްޑިވިއަން އައިޑޮލް ސީޒަން ދޭއްގެ އޮޑިޝަންތައް މިހާރު ވަނީ ނިންމާލާފައެވެ. އޮޑިޝަންތައް ބާއްވާފައިވަނީ ކުޅުދުއްފުށީގެ އިތުރުން މާލެ ސިޓީ، އައްޑޫ ސިޓީއާއި ފުވައްމުލައް ސިޓީ، ލ.ގަން، އަދި ބ. އޭދަފުށީގަ އެވެ.

މިފަހަރުގެ ސީޒަންގައި ޖަޖުންގެ ޕެނަލުން ފެނިގެންދާނީ ، މަރިޔަމް އުނޫޝާ، އިބްރާހީމް ޒައިދު އަލީ އަދި އިސްމާއީލް އައްފާންއެވެ.

އައިޑަލްގެ ފުރަތަމަ ސީޒަންގެ ފައިނަލްގައި 2 ފިރިހެން ބައިވެރިންނާ ވާދަކުރުމަށްފަހު، ފުރަތަމަ މޯލްޑިވިއަން އައިޑަލް ހާސިލްކޮށްފައިވަނީ ލައިޝާ ޖުނައިދެވެ.