ކުއަންޓިކޯގެ ޝޫޓިންގެ ތެރެއިން ޕްރިޔަންކާއަށް އަނިޔާވެއްޖެ

ޕްރިއަންކާ ޗޯޕްރާ ހޮލީވުޑްގައި ކުޅެމުންދާ ޑްރާމާ ސީރީޒް ކުއަންޓިކޯގެ ދެވަނަ ސީޒަންގެ ޝޫޓިން ކުރުމުގެ ތެެރޭގައި ބޮލަށް އަނިޔާވެއްޖެ އެވެ.

ހަބަރުތަކުން ބުނާގޮތުގައި އޭނާގެ ބޮލަށް ވަނީ ގެއްލުން ލިބިފައި ކަމަށާއި އަނިޔާ ލިބިފައި ވަނީ ސްޓަންޓް އެއް ކުޅުމުގެ ތެރެއިން ކަމަށް ވެއެވެ.

ބުރާސްފަތި ދުވަހުގެ ރޭ އަނިޔާ ވެގެން ހޮސްޕިޓަލަށް ގެންގޮސް  އެޑްމިޓްކޮށްގެން އޭނާއަށް ވަނީ  ފަރުވާދީފަ  އެވެ. އެކަމަކު މިހާރު ވަނީ ގެއަށް ފޮނުވާ ލާފައި ކަމަށް ވެއެވެ.

ކުއާންޓިކޯގެ ދެވަނަ ސީޒަން ދެއްކުމަށް ހަމަޖެހިފައި ވަނީ 24 ޖެނުއަރީ ގައި ސްޓާރ ވޯލްޑް އަދި ސްޓާރ ވޯލްޑް އެޗްޑީ އިންް ކަމަށް ހަބަރު ތަކުން ބުނެއެވެ.