މޫނު ދޮންކުރާ ބުރޭންޑްތަކެއް އިސްތިހާރެއް ނުކުރާނަން :ތާޕްސީ

ކުރިއަރަމުން އަންނަ ތަރި ތާޕްސީ ފަންނު އަށް ލިބުނު މޫނު ދޮންކުރާ ބުރޭންޑްގެ އިސްތިހާރެއް ނުކުޅި ދޫކޮށްލައިފި އެެވެ.

އަމީތާބް އެންމެ ފަހުން ފެނިގެން ދިޔަ ފިލްމް “ފިންކް” އިން ބޮލީބުޑަށް މަޝްހޫރުވެގެންދިޔަ ތާފްސީ ޕަންނު އަށް ދަނީ ގިނަ ބައެއްގެ ތައުރީފް ލިބެމުންނެވެ. މި އަހަރުގެ ތެރޭގައި ތާޕްސީ އަށް 6 ފިލްމް ކުޅެން ވަނީ ލިބިފައި އެވެ. ފިލްމް ތަކުގެ އިތުރުން އެކި ކަހަލަ އިސްތިހާރު ކުޅުމުގެ ފުރުސަތުތައްވެސް ދަނީ ލިބެމުންނެވެ.

އޭގެ ތެރެއިން މޫނު އަލިކުރާ ކުރީމެއްގެ ބުރޭންޑް އެއް އިސްތިހާރު ކުރަށް އޭނައަށް ފުރުސަތު ލިބުމުން ފުރަތަމަ ވަނީ އެކަމަށް އެއްބަސްވެފައި އެވެ. އެކަމަކު އެންމެ ފަހު ވަގުތު ވަނީ އެކަމަށް ނޫނެކޭ ބުނެފައި އެވެ.

އެކަމާބެހޭ ގޮތުން އިންޑިއާގެ ނޫސް ތަކުން ސުވާލު ކުރުމުން ތާޕްސީގެ ޖަވާބަކަށްވީ ފުރަތަމަވެސް އެއީ އެކަހަލަ ބުރޭންޑް އަކަށް ކުޅޭ އިސްތިހާރެއްކަން އިނގޭ ނަމަ އެކަމަށް އިންކާރުކުރާނެ ކަމަށާއި ކަޅުކޮށް ހުންނަ މީހުންނަކީ ވެސް ވަރަށް ރީތި ބައެއްކަން އެންމެންވެސް ގަބޫލުކުރަންޖެހޭ ކަމަށެވެ. އަދި މިކަހަލަ އެއްވެސް ބުރޭންޑެއް ޕުރޮމޯޓް ކުރަށް އޭނަ ނޫޅޭނެކަމަށްވެސް ތާޕްސީ ވަނީ ބުނެފައި އެވެ.

ތާޕްސީގެ ރީތި އަލި ހަށިގަނޑުގެ ސަބަބުން ވަނީ ބައެއް ފިލްމްތައް ކުޅެން ނުލިބިފައި އެވެ.