ދުވާލަކު ދެފަހަރު ބުއިމުން ބަނޑު ހިންދާލާ ބުއިމެއް

ބަނޑު ހިންދުމަށް އެކި މީހުން ކަންތައް ކުރަނީ އެކި ގޮތަށެވެ. ބައެއް މީހުން ކަސްރަތުކޮށް ޑައިޓް ކުރާއިރު އެއްބަޔަކު ބޭސް ބޭނުން ކުރާތަންވެސް އާދެއެވެ. އެގޮތުން މިއީ ޑައިޓް ކުރަމުންދާއިރު ބޯލުމަށް ރަނގަޅު، ތައްޔާރު ކޮށްލުމަށް ފަސޭހަ ބުއިމެކެވެ.

ތައްޔާރު ކޮއްލުމަށް ބޭނުންވާ ތަކެތި

4 ލުނބޯ

4 ސަމްސާ މުގުރި އިނގުރު

2 ސަމްސާ ފޮނިތޮށި

3 ސަމްސާ މާމުއިއް

¼ ޖޯޑު  ފެން

ބުލެންޑާއަށް ލުނބޯތައް ފެލާލުމަށްފަހު ބާކީހުރި ތަކެތި އަޅާ 3 މިނެޓް ވަންދެން އެއްކޮށްލުމުން މިއޮތީ ބުއިން ތައްޔާރުވެފައި އެވެ. ކޮންމެ ދުވަހެއްގެ ދެ ކާގަނޑީގެ ކުރިން ސަމްސަލެއް ބޯލާށެވެ. ދެ ހަފްތާ ތެރޭގައި އެދެވޭ ނަތީޖާއެއް ފެންނާނެއެވެ. މަތި ބާރު ފުޅިއަކަށް އަޅާ އަލަމާރީގައިވެސް ރައްކާކުރެވޭނެ އެވެ.

މިއީ ހަމައެކަނި ބަނޑު ހިންދަން މޮޅު ބުއިމެއް ނޫނެވެ. މިއީ ހަޖަމުކުރުމަށް އެހީވެދޭ، ކަރުގަ ރިއްސުން ރަނގަޅުކޮށްދޭ، ހަންގަނޑު އަލިކޮށް އަދި ގޭސްޓުރިކްގެ އުދަނގުލުންވެސް އެހީވެދޭ ބުއިމެކެވެ.