އަފީފުއްދީން ސްކޫލުގެ އާ އިމާރާތުގެ މަސައްކަތް ނިންމާ، ސްކޫލާ ހަވާލުކޮށްފި

އަފީފުއްދީން ސްކޫލުގެ ޖާގައިގެ މައްސަލަ ހައްލުކުރުމުގެ ގޮތުން އެސްކޫލުގެ އިމާރާތްކުރަން ފެށި ކުލާސް ރޫމް ބުލޮކްގެ މަސައްކަތް ނިންމާ، ހަވާލުކޮށްފި އެވެ.

3 ބުރިއަށް އިމާރާތްކޮށްފައިވާ 12 ކުލާސް ރޫމްގެ މި އިމާރާތް ސްކޫލާއި ހަވާލުކޮށްފައިވަނީ މިމަހު 22 ވަނަ ދުވަހު ކަމަށް އެޑިއުކޭޝަނުން މައުލޫމާތު ދެ އެވެ.

އަފީފުއްދީން ސްކޫލުގެ އިތުރުން ހއ ތުރާކުނު ސްކޫލާއި ހއ އުލިގަމް ސްކޫލަށް އަލަށް އިތުރު ކުރި 2 ކުލާސް ރޫމްގެ މަސައްކަތްވެސް ނިންމާ ސްކޫލާއި ވަނީ ހަވާލުކޮށްފަ އެވެ.

އަފީފުއްދީން ސްކޫލުގެ އާ އިމާރާތް ނިންމާ ސްކޫލާ ހަވާލުކުރި ނަމަވެސް އިމާރާތް ބޭނުންކުރަން ފެށޭނެ ތާރީހެއް ޔަގީނެއް ނުވެ އެވެ.