ހޯމްއެލޯން ފިލްމުން ބައްފަގެ ރޯލުން ފެނިގެންދިޔަ ޖޯން ހާރްޑް މަރުވެއްޖެ

ހޯމްއެލޯންގެ ލޯސްޓްއިން ނިއުޔޯކް، ބައްފަގެ ރޯލުން ފެނިގެންދިޔަ ޖޯން ހާރްޑް މަރުވެފައި އޮއްވާ ފެނިއްޖެ އެވެ.

ޖޯން މަރުވެފައި އޮއްވާ ފެނިފައި ވަނީ ކެލިފޯނިޔާގެ ފަލޯ އަލްޓޯ ހޮޓެލްގައި މިދިޔަ ހުކުރު ދުވަހުއެވެ. ހޮލީވުޑްގެ ހަބަރުތަކުން މައުލޫމާތު ލިބޭ ގޮތުގައި ޖޯން ހޮޓެލްގައި އޮތީ ބުދަ ދުވަހު މައިނާ ބެކް ސާޖަރީއަކަށްފަހު ރަނގަޅުވުމަށް ކަމަށެވެ.

ޖޯން މަރުވިއިރު އުމުރަކީ 72 އަހަރެވެ. ތިން ކައިވެނި ކޮށްފައިވާއިރު، ޖޯންގެ 3 ދަރިން އެބަތިއްބެވެ.

މިދިޔަ އަހަރުގެ ޑިސެންބަރ މަހު ވަނީ ޖޯންގެ 22 އަހަރުގެ ފިރިހެން ދަރި މެކްސް ހާރްޑް ނިދާފައި އޮއްވާ މަރުވެފައި އެވެ.

ހޯމްއެލޯންގެ އިތުރުން ބިގް، ބީޖެސް، ގުލައިޑާގެ އިތުރުން ޕެލިކަން ބުރިޕް ފަދަ ފިލްމުތަކުން ޖޯން ވަނީ ފެނިގެން ގޮސްފައި އެވެ. މީގެ އިތުރުން ވެސް ޖޯންގެ ފާހަގަކޮށްލެވޭ ފިލްމުތައް ހިމެނެއެވެ.

ޖޯން މަރުވެފައި ވަނީ ކޮން ސަބަބަކާއި ހުރެ ކަމެއް މިހާތަނަށް އެގިފައި ނުވާއިރު އެކަން ތަހުގީގް ކުރަމުންދާ ކަމަށް ހަބަރުތަކުން މައުލޫމާތު ލިބެއެވެ. އަދި އެނާގެ މަރުގައި އެއްވެސް މީހަކަށް ސައްކު ކުރެވިފައި ނުވާ ކަމަށްވެސް ހަބަރުތަކުން މައުލޫމާތު ލިބެއެވެ.