އަ ޖެންޓަލްމޭންގެ ދެތަރިން ކޮފީ ޑޭޓަކަށް

މިހާރު އޮން ސްކްރީންގެ އެންމެ ހޮޓް ދެތަރިން ކަމަށްވާ ސިދާތު އަދި ޖެކުލިންގެ ވާހަކައަކީ އެދެ ތަރިންގެ ކުރިއަށްއޮތް ފިލްމު އަ ޖެންޓަލްމޭން ފެށި ހިސާބުން ފޭނުންގެ ތެރޭގައި ދެކެވެމުން އަންނަ ވާހަކަ އެވެ.

އޮން ސްކްރީންގައިވެސް އޮފް ސްކްރީންގައިވެސް ދެތަރިންގެ ކެމިސްޓްރީއަކީ އެންމެ ގުޅޭ ޖޯޑަށް މި ދެތަރިން ވުމުގެ ސަބަބެކެވެ. ދެ ތަރިން މިކަން މީޑިއާއަށް ސިއްރުކުރާކަށްވެސް މައްސަކަތެެއް ނުކުރެއެވެ.

އެންމެ ފަހުން މި ދެތަރިން މިވަނީ ކޮފީ ޑޭޓަކަށްވެސް ގޮސްފަ އެވެ. އެ ދެތަރިންގެ ފިލްމު ޕްރޮމޯޝަންގެ މަސައްކަތުގައި މިވަގުތު ތިބީ މުމްބާއީގަ އެވެ. ޑޭޓަށް ގޮސްފައިވަނީ ފިލްމުގެ ޕްރޮމޯޝަން މަސައްކަތް ނިންމުމަށްފަހު އެވެ. ޔަގީނުންވެސް މިއީ މި ދެތަރިންގެ ސްޕޯޓަރުންނަށް އުފާވެރި ހަބަރަކަށް ވާނެއެވެ.

ޑޭޓުގެ ބައެއް ފޮޓޯ ޖެކުލީން ސޯސަލް މީޑީއާގައި ހިއްސާކޮށްފައިވާއިރު ދެތަރިންގެ ފަރާތުންވެސް ފެންނަނީ އުފާވެރިކަމަށެވެ.

އަ ޖެންޓަލްމޭން ރިލީޒްކުރަން ހަމަޖެހިފައިވަނީ މި މަހު 25 ގަ އެވެ. މިއީ ފޮކްސް ސްޓާރ ސްޓޫޑިއޯގެ އުފެއްދުމެކެވެ.