މަސްތުވާތަކެތީގެ ހާއްޔެއް! އެންމެން ދަންނަ ބޮޑު ސިއްރެއް!

އިހުސާނާ އާދަމް - 1 month ago - 15 ޖަނަވަރީ 2018



މުޅި ދުނިޔޭގެ ގިނަ ބައެއްގެ ދިރިއުޅުން ހަލާކުކުރުމުގައި ބޮޑުދައުރެއް އަދާކުރާ އެކައްޗަކީ މަސްތުވާ ތަކެއްޗެވެ. މަސްތުވާތަކެތި ބޭނުންކުރާ މީހުންނަށް އެއާ ދުރުވުމަކީ މާފަސޭހަކަމެއްނޫނެވެ. ކިތައްމެ ބޭނުން ވިޔަސް އެއާ ދުރުވެވޭނީ އެމީހަކު އަމިއްލައަށް އެކަން ހުއްޓުމަށް އަޒުމު ކަނޑައަޅައި އެ އަޒުމާ އެއްގޮތަށް އަމަލުތައް ބަހައްޓައިގެންނެވެ. ނުވަތަ ރިހެބިލިޓޭޓް ވެގެންނެވެ.

މި ނުބައި ވަބާ މިއަދު މިވަނީ މި ދިވެހި މުޖުތަމައުގައިވެސް އާންމު ވެފައެވެ. އިންސާނާގެ ހަށިގަނޑަށް ގެއްލުންދޭ ކޮންމެ އެއްޗަކީ މާތް ﷲ ޙަރާމް ކުރައްވާފައިވާ އެއްޗަކަށް ވީއިރު، ސައްތައިން ސައްތަ އިސްލާމް ގައުމެއްކަމަށް ދައުވާ ކުރަމުން އަންނަ ދިވެހިރާއްޖެ ވެސް މިވަނީ މަސްތުވާތަކެތި ބޭނުންކޮށް، އެ ގަނެ ވިއްކުމުގެ ވިޔަފާރި ހީވެސްނުކުރާހާ ފުޅާ ދާއިރާއެއްގައި ކުރަމުން އަންނަ ގައުމަކަށް ވެފައެވެ.

ހަޔާތުގެ ބައިވެރިޔަކަށް މިފަދަ މީހެއް ހިޔާރުކުރުމުގެ ނަތީޖާ:

މި ދިވެހި މުޖުތަމައުގައި ވަރި މިހާ ގިނަ ވެފައިވާ އެއް ސަބަބަކީ މިއީއެވެ. ދީނުގެ ރިވެތި ސިފަތައް އަށަގެންފައިވާ އަންހެން ކުދިންގެ އަދަދު މިއަދު އިނގިލިން ގުނާލެވޭއިރު، މުޖުތަމައުގައި ގިނައީ އެބޯޅެ މިބޯޅެއަށް އުޅޭ، ދިރިއުޅުމާދޭތެރޭ މާބޮޑު ފިކުރެއްނެތް ކުދިންނެވެ. މިފަހަކަށް އައިސް ގިނަ އަންހެން ކުދިން ލައިކް ވަނީ ވެސް މިފަދަ ގޯސް އަމަލުތައް ކުރާ ކުދިންނެވެ. މިފަދަ ކުދިންގެ ބޮލަށް އެރި ލުމަކީ މާއުނދަކޫ ކަމަކަށް ނުވެއެވެ.

މަސްތުވާތަކެތީގެ ވަބާގައި ޖެހިފައިވާ މީހާ އެމީހުންގެ އަމިއްލަ ބޭނުމަށް ނުވަތަ ދުނިޔޭގެ ވަގުތީ އުފާތައް ހާސިލް ކޮށްލުމަށް އަންހެން ކުއްޖާގެ ވިސްނުމާއި ކުޅެލައެވެ. ތިމާއަކީ ވަރަށް ޑީސެންޓް މީހެއްގެ ސިފަ ދައްކާ، އަގު ބޮޑެތިހާ ގިފްޓްސް ތަކުން އަންހެން ކުއްޖާގެ މުޅި ހަޔާތް ބަދަލުކޮއްލައެވެ. ލޯބި ވެއޭ، ކެއާ ކުރަމޭ، ދުވަހަކުވެސް ދޫކޮށް ނުލާނަންކަމަށް ވައުދުވެ، އަދި އެންމެ ފަހުން ތިމާ އަށް ޓްރަސްޓް ކުރާށޭ ބުނެ، އަންހެން ކުއްޖާގެ އަބުރަށް ހުތުރު ވާފަދަ ކަންތައްތައް ކުރެއެވެ.

ހޭ އަރަނީ ދެނެވެ. ވިސްނާލެވެނީ ދެނެވެ. މީހާގެ ހަގީގަތް ހޯދާ ބަލާއިރު އާމްދަނީ ހޯދަނީ މަސްތުވާތަކެތީގެ ވިޔަފާރި ކޮއްގެންނެވެ. މާ ރިޗް މީހެއްގެ ކުލަ އޭރު ދެއްކީ މި ވިޔަފާރި ކޮށް އަތްމަތި ތަނަވަސް ވާތީއެވެ. މިފަދަ މީހުންނާ ކައިވެނިކޮށް ދަރިއަކު ލިބި އެތައް ދުވަހަކަށް ފަހު މިކަންކަން އެންގޭ ފަހަރުވެސް އާދެއެވެ. މަސްތުވާތަކެތި ބޭނުން ކުރާ މީހުންނަކީ އޭގެ ބޭނުންނުކޮށް ގިނަ އިރުވާނަމަ ރުޅި ގަދަވާ މީހުންނެވެ. މިނޫނަސް އެތައް މައްސަލަތަކެއް އެފަދަ މީހުންނަށް ދިމާވެއެވެ. މިކަމުގެ ސަބަބުން އަންހެންކުއްޖާއަށް ޖިސްމާނީ އަނިޔާތަކާ ކުރިމަތި ލާންޖެހޭ ފަހަރުވެސް އާދެއެވެ. ނަތީޖާއަކަށް ވަނީ ދެމަފިރިންގެ ދޭތެރޭ ޖެހޭ މައްސަލަތައް ހައްލުނުވެގޮސް ވަރިވުމެވެ. ދަރިފުޅުގެ ދިރިއުޅުންވެސް އަންހެން ކުއްޖާއާއެކު ހަލާކުވީއެވެ. ވިސްނާނުލާ ކުރެވޭ މިފަދަ ކަންކަމުގެ ނަތީޖާ ވަރަށް ހިތި ވާނެއެވެ.

ކުދިންނޭ ވިސްނާށެވެ! މިމުޖުތަމައަކީ މިފަދަ ތަނެކެވެ. ކެހިވެރިން ގިނަ ހަރުދަނާ މީހުން މަދު ތަނެކެވެ. ޒުވާނުންނޭވެ! މަސްތުވާތަކެއްޗާއި ދުރުވެ، އަންހެން ކުދިންނަކީ ތިޔަ ޒުވާން ފިރިހެންކުދިންގެ ހިމާޔަތުގެ ދަށުގައި މިނިވަން ކަމާއެކު އުޅެވޭނެ ބަޔަކަށް ހަދާށެވެ. ގައުމު އަމާން، ކުށް މަދު، ސުލްހަވެރި ތަނަކަށް ވާނީ އޭރުންނެވެ.

މަސްތުވާތަކެތީގެ ވަބާގައި ޖެހިފައިވާ މީހުން މުޖުތަމައުގަ ބަލައިގަނެވެނީ ކީއްވެ؟

މިހެން ބުނުމުން އެންމެންވެސް ބުނާނީ އެފަދަ މީހުން ބަލައި ނުގަންނަކަމަށެެވެ. އެހެންނަމަވެސް އަމަލުތަކުން ފެންނަނީ އެހެން ކަމެކެވެ. މަންޒަރު ފެންނަނީ ވަރަށް ތަފާތުކޮށެވެ. އެފަދަ މީހުންގެ ނަންތަކުގައި އެކިއެކި ހަރަކާތްތައް ރާވާ އިންތިޒާމު ކުރެވިގެން އެބަދެއެވެ. އެފަދަ މީހުންނަކީ ރަށުގައި އެންމެ ނުފޫޒު ގަދަ މީހުންނަށްވެ، އެމީހުންގެ ފަރާތުން ނޫންގޮތަކަށް މުޖުތަމައުގެ އަފުރާދުންގެ ބޭނުންތައް ނުފުއްދޭ ތަން އެބަ ފެނެއެވެ. އެމީހުންގެ ފައިދަށުވާތަން އެބަފެނެއެވެ. މިކަންކަން މުޖުތަމައުގައި ވެފައިމިވަނީ އެންމެނަށް އެނގޭ ބޮޑު ސިއްރުގެ ގޮތުގައެވެ. ކަންކަން މިހެން ހުރިއިރު މަސްތުވާތަކެތީގެ ވަބާގައި ޖެހިފައިވާ މީހުންނަށް މުޖުތަމައު ހިއްވަރު ނުދެއޭ ބުނެވޭނެ ތޯއެވެ؟

ދާށެވީ ހިތްހިތާ ހެޔޮހިތުން ގުޅުވަމުން
ދާށެވީ ކަންކަމާ ވީނުބައި ދުރުވަމުން



  1. Kfudshi adam 1 month ago
    Thiya vaahaka liyaane kame neh kulhudhuffushi ga ves huriha foot ball team thakaka haradhu kuramun bodu thunbulhi jahaagen e dhuvanee thikahala meehun
    1. zanjabeelu 1 month ago
      Aan aan thibuny hama thedheh .evx hama emmen dhanna bodu sirreh.
  2. Kalhuthu 1 month ago
    Mi report liyun meehaa Varah heevey Hama vaki meehakah liyefa oiy report eh hen
    1. .. 4 weeks ago
      Meega neh vaki meehekey kiyaafa eh. Amilla ah thihen thi visnany