ޕަރިނިތީގެ ކުރިއަށް އޮތް ފިލްމަށް ތައްޔާރުވުމަށް އިންގްލޭންޑަށް

މިދިޔަ މާރޗުމަހު ރިލީޒް ކުރި ކޭސަރީ ގެ ބޮޑު ކާމިޔާބާއިއެކު ޕަރިނިތީއަށް ކުރިއަށް އޮތީ ބުރަ ދުވަސް ކޮޅެކެވެ.

އޭނާގެ ކުރިއަށް ހުރި ފިލްމުތަކަށް ބަލާއިރު އެންމެ އިންތިޒާރު ކުރެވޭ ފިލްމަކީ ހޮލީވުޑްގެ "ދަ ގާރލް އޮން ދަ ޓްރެއިން" ގެ ބޮލީވުޑް ރީމޭކަށެވެ. މި ފިލްމުގައި ޕަރިނިތީގެ އަދާކުރާ ރޯލަކީ އޭނާގެ ފިލްމީ ކެރިއަރުގައިވެސް މިހާތަނަށް ލިބުނު ތަފާތު ރޯލުގެ ކަމަށް ވަނީ ބުނެފަ އެވެ.

މި ފިލްމަކީ ވެސް ތަފާތު ފިލްމެއް ގޮތުގައި ފާހަގަކުރަމުން ޕަރިނިތީ ވަނީ މިހާރުއްސުރެ ފިލްމަށް ތައްޔާރުވަމުން ދާ ކަމަށާއި ސޫޓިން ފެށުމަށް ކެތްމަދުވެފައި ހުރިކަމަށް ބުނެފައެވެ. އެގޮތުން ފިލްމަށް ތައްޔަރުވުމަށް އަންނަ ޖުލައި މަހު އޭނާ އިންގްލޭންޑަށް ފުރާނެއެވެ. އެގޮތުން ސޫޓިންނަށް 2 މަސްދުވަހު އިންގްލެންޑުގައި މަޑުކުރުމަށް ވަނީ ހަމަޖެހިފަ އެވެ.

މި ފިލްމަށް ދޭނެ ނަމެއް މިހާތަނަށް ނިންމާފައި ނުވާއިރު، ހޮލީވުޑްގެ ދަ ގާރލް އޮން ދަ ޓްރެއިން މި ފިލްމަކީ 2015 ވަނަ އަހަރު ޕައުލާ ހަވިންކްސް ނެރުނު ވާހަކައެއްގެ މައްޗަށް 2016 ވަނަ އަހަރު ނެރެފައިވާ ފިލްމެކެވެ. މިއީ ކުޑަ ބަޖެޓަކުން އުފެއްދި ކާމިޔާބު ފިލްމެކެވެ.