ތިން ރީޖަނަލް ހޮސްޕިޓަލްގެ ވޯޑްތައް އޭސީ ކުރަން ބަޔަކާ ހަވާލުކޮށްފި

ތިން ހޮސްޕިޓަލެއް ތަރައްގީ ކުރުމުގެ މަސައްކަތް ކުރުމަށް ހެލްތު މިނިސްޓްރީން ބަޔަކާ ހަވާލުކޮށްފި އެވެ.

ހެލްތު މިނިސްޓްރީގައި އޮތް ރަސްމިއްޔާތެއްގައި ލ. ގަމު ހޮސްޕިޓަލާއި ގދ.ތިނަދޫ ޑރ. އަބްދުއް ސަމަދު މެމޯރިއަލް ހޮސްޕިޓަލް އަދި ރ. އުނގޫފާރު ހޮސްޕިޓަލްގެ ވޮޑްތައް އެއާކޮންޑިޝަން ކުރުމުގެ މަސައްކަތް ވަނީ ހަތަރު ކުންފުންޏަކާ ހަވާލުކޮށްފަ އެވެ.

ޕްރޯ އޭސީ އެންޑް އިންޖިނިއަރިން ޕްރައިވެޓް ލިމިޓެޑް އާއި 120 ދުވަސް ތެރޭގައި ލ.ގަން ރީޖަނަލް ހޮސްޕިޓަލް ވޯޑް ތައް އޭސީ ކުރުމަށް ހަވާލުކޮށްފައިވާއިރު އެ ހޮސްޕިޓަލްގައި 67 ދުވަހުގެ ތެރޭގައި ޕަވާ ހައުސް އިމާރާތް ކުރުމަށް އައިރިން އެންޓަ ޕްރައިސަސް ޕްރައިވެޓް ލިމިޓެޑާ ވަނީ ހަވާލުކޮށްފަ އެވެ.

90 ދުވަސްތެރޭގައި ޑރ. އަބްދުއް ސަމަދު މެމޯރިއަލް ހޮސްޕިޓަލްގެ ވޯޑްތައް ނިންމުމަށް އައިރިން އެންޓަ ޕްރައިސަސް ޕްރައިވެޓް ލިމިޓެޑް ހަވާލުކޮށް ފައިވާރު ރ. އުނގޫފާރު ރީޖަނަލް ހޮސްޕިޓަލް 120 ދުވަހުގެ ތެރޭގައި ނިންމުމަށް ރެފްކޫލް އާއި ވަނީ ހެލްތް މިނިސްޓްން ހަވާލުކޮށްފައެވެ.