އިބްރާހިމްގެ ފުރަތަމަ ފޮޓޯޝޫޓް ދައްތަ ސާރާއެކު

މިހާރު ބޮލީވުޑްގެ އެންމެ "ބިޒީ" އެއް ތަރި ސާރާ އަލީ ޚާން އޭނާގެ ކޮއްކޮ އިބްރާހިމް އަލީ ޚާން އެކު ނެގި ފޮޓޯ ޝޫޓް ގެ ފޮޓޯތައް ވައިރަލް ވުމާއެކު ގިނަބައެއް ތައުރީފު އޮހެން ފަށައިފި އެވެ.

މިއީ އިބްރާހިމްގެ ފުރަތަމަ ފޮޓޯ ޝޫޓްކަމަށް ވާއިރު މިއީ އޭނާ ބޮލީވުޑަށް ނުކުތުމަށް އެޅު ފުރަތަމަ ފިޔަވަޅު ކަމަށް ގިނަ ބަޔަކު ގަބޫލްކުރެއެވެ.

ފޮޓޯތަކުން ދެމީހުންގެ މެދުގައިވާ ގާތްކަމަށް ގިނަ ބަޔަކު ފާހަކަކުރާއިރު ދެމީހުންގެ ހެދުންތަކަށްވެސް ދަނީ ތައުރީފުކުރަމުންނެވެ. ސާރާ ބޮލީވުޑަށް ނުކުތީ މިދިޔަ އަހަރުގެ ކާމިޔާބު ފިލްމު ކެދާނަތުންނެވެ. އަދި ހަމަ އެހަަރު ރަންވީރާއެކު ކުޅުނު ސިމްބާވެސް ވަނީ ބެލުންތެރިންނާއި ހަމައަށް އައިސްފައެވެ.

އެހިސާބުން ސާރާވަނީ ގިނަބައެއްގެ ހިތްތަކުން ޖާގަ ހޯދާފައެވެ. ދެން އެންމެ އަވަހަށް ސާރާ ފެނިގެންދާނީ އަންނަ އަހަރު ނެރޭ އިމްތިޔާޒް އަލީގެ ލަވް އާޖްކަލް އިންނެވެ. އެއަށްފަހު ނުކުންނަ ކޫލީ ނަންބަރ 1 އިންވެސް ސާރާ ފެނިގެންދާނެއެވެ.