ދަ ސްކައި އިޒް ޕިންކުގައި ކުޅުނީ އުނދަގޫ ރޯލެއް: ޕްރިޔަންކާ

މިދިޔަ ހުކުރު ދުވަހު ރިލީޒްކުރި ރޮމޭންޓިކް ޑްރާމާ ފިލްމު ދަ ސްކައި އިޒް ޕިންކުގައި ޕްރިޔަންކާ ކުޅުނު އަދިތީ ޗޯދުރީގެ ރޯލަކީ އުނދަގޫ ރޯލެއްކަމަށް އޭނާ ބުނެފިއެވެ.

މި ފިލްމަކީ މޯޓިވޭޝަނަލް ސްޕީކާއެއްގެ ގޮތުގައި ފާހަގަވެފައިވާ އައިޝާ ޗޯދުރީގެ ވާހަކައިގެ މައްޗަށް ބިނާކޮށް ހަދާފައިވާ ފިލްމެކެވެ. ފިލްމުގައި ޕްރިޔަންކާ ކުޅެފައިވަނީ އައިޝާގެ މަންމަގެ ރޯލާއި މެންޓަލް ހެލްތު ތެރަޕިސްޓެއްގެ ރޯލެވެ. އެހެންކަމުން މަންމަގެ ރޯލާއެކު ތެރަޕިސްޓެއްގެ ރޯލަކީ އޭނާއަށް މުޅިން އާ ތަޖުރިބާއެއްކަމަށް އޭނާ ބުންޏެވެ.

އައިޝާ ފާހަގަވެފައިވަނީ މޯޓިވޭޝަނަލް ވާހަކަ ދައްކާ ކުއްޖެއްގެ ގޮތުގައެވެ. އައިޝާ މަރުވެފައިވަނީ އުމުރުން 18 އަހަރުގައި 2015 ވަނަ އަހަރުއެވެ. މަރުވީ ޕުލްމޮނަރީ ފައިބްރޮސިސް ބަލީގަ އެވެ.

ފިލްމުގައި އައިޝާގެ ރޯލު ކުޅެފައިވަނީ ޒައިރާ ވަސީމެެވެ. މީގެ އިތުރުން ފަރްހާން އަޚްތަރު އަދި ރޯހިތު ސުރޭޝް ސަރަފް ފެނިގެންދާނެއެވެ.