މުފްތީ މެންކް ކުޅުދުއްފުއްޓަށް ވަޑައިގަންނަވަނީ

މުސްލިމުންގެ ތެރޭގައި މަގުބޫލު ދީނީ އިލްމުވެރިޔާ މުފްތީ އިސްމާއިލް ބިން މޫސާ މެންކް (މުފްތީ މެންކް) ކުޅުދުއްފުށި ސިޓީއަށް ވަޑައިގަންނަވާގޮތަށް ހަމަޖެހިއްޖެ އެވެ.

އިސްލާމިކް މިނިސްޓްރީގެ ދައުވަތަކަށް ކުރައްވާ މި ދަތުރުފުޅުގައި ރާއްޖެ ވަޑައިގަންނަވަނީ މިމަހު 14 އިން 18 އަށެވެ. ކުޅުދުއްފުށި ސިޓީގެ އިތުރުން އައްޑޫ އަދި މާލެ ސިޓީގައި މެންކް ދަރުސް ދެއްވާނެ އެވެ.

ކުޅުދުއްފުއްޓަށް މުފްތީ ވަޑައިގަންނަވަން ހަމަޖެހިފައިވަނީ މިމަހު 16 ވަނަ ދުވަހު އެވެ. މުފްތީ މެންކް ވަނީ 2018 ވަނަ އަހަރުވެސް ރާއްޖެ ވަޑައިގަންނަވާފަ އެވެ.

މިއީ ރާއްޖޭއިން ބޭރުގެ މިހާ މަގުބޫލު ދީނީ އިލްމްވެރިޔަކު ކުޅުދުއްފުއްޓަށް ވަޑައިގަންނަވާ ފުރަތަމަ ފަހަރެވެ. އެކަމަކު 2015 ވަނަ އަހަރު އިނގިރޭސިވިލާތުގެ އިލްމުވެރިއެއް ކަމަށްވާ ޕްރޮފެސަރު މުންތާރު އިލްހާމްގެ ދަރުސްތަކެއް ވަނީ ކުޅުދުއްފުށީގައި ދީފަ އެވެ.