އެމްޑީޕީ އުތުރު މަހަސިންތާ މި ފަހަރު ކުޅުދުއްފުށި ސިޓީގައި

އެމްޑީޕީގެ އުތުރު މަހާސިންތާ މި ފަހަރު ކުޅުދުއްފުށީގައި ބާއްވާ ގޮތަށް ހަމަޖެހިއްޖެ އެވެ.

ސަރުކާރު ހިންގާ މައިޕާޓީ އެމްޑީޕީގެ މި ދަތުރުގައި އެޕާޓީގެ ރައީސް މުހައްމަދު ނަޝީދުވެސް ބައިވެރިވެވަޑައިގަންނަވާނެ ކަމަށް އެމްޑީޕީން ބުނެއެވެ. އެމްޑީޕީން ބުނީ މި ދަތުރުގައި ތިލަދުންމަތީގެ ރަށްތަކަށް ޒިޔާރަތްކޮށް ރައްޔިތުންނާއި ބައްދަލުކުރުމަށް ހަމަޖެހިފައިވާ ކަމަށާއި އެމްޑީޕީން މި މަހާސިންތާ އޮންނާނީ މި މަހުގެ 12ވަނަ ދުވަހު އެޕާޓީން ތިލަދުންމައްޗަށް ކުރާ ދަތުރުގެ ތެރެއިންނެވެ.

ޖުމްލަ 300 މެންބަރުންނަށް ޖާގަ ދިނުމަށް ނިންމާފައިވާއިރު ޖާގަ ދޫކުރާނީ 100 ރުފިޔާއަށް ކަމަށްވެސް އެމްޑީޕީން ބުނެއެވެ. އެމްޑީޕީން ވަނީ މި ދަތުރުގައި ބައިވެރިވާން ބޭނުންވާ އެޕާޓީގެ އާއްމު މެންބަރުންނަށް ވެސް އެ ފުރުސަތު ހުޅުވާލައިފައެވެ.

މިއީ އެމްޑީޕީގެ އެތެރޭގެ އިންތިހާބު ނަޝީދު ކާމިޔާބު ކުރެއްވުމަށްފަހު ޕާޓީގެ ބޮޑު ހަރަކާތެއް ބާއްވާ ފުރަތަމަ ފަހަރެވެ.