ކަރަން ކުރިއަށް އޮތް ފިލްމު އިއުލާންކޮށްފި

ކަަރަން ޖޯހަރު މިހާރު މަސަކައްކަތް ކުރަމުންދާ ފިލްމު ތަހުތަށް ފަހު އޭނާ ދެން މަސައްކަތް ކުރާނެ ފިލްމު އިއުލާންކޮށްފި އެވެ.

ކާމިޔާބު އެތަށް ފިލްމުތަކެއް ގެނެސްދޭ ކަރަން ކުރިއަށް އޮތީ ނިތިން ގާކޯލޭގެ "އާރު.އެން.ކާރޯ: ޖެންޓަލްމެން ސްޕައިމާސްޓާ" ފޮތަށް ހަދާ ފިލްމެކެވެ. މިކަން ކަރަން ހާމަކުރީ ކަރަން މިއަދު ކުރި ޓްވީޓެއްގަ އެވެ. ނަމަވެސް މި ފިލްމަށް ދޭނެ ނަމެއް އަދި އިއުލާން ކޮށްފައެއް ނުވެއެވެ.

Turning pages into frames, one thrill at a time.
Bringing to you an adaptation of Nitin Gokhale’s book - “R.N.Kao: Gentleman Spymaster” to the silver screen. More information coming soon!@apoorvamehta18 #AmritpalBindra @anandntiwari @DharmaMovies #StillAndStillMediaCollective pic.twitter.com/gsHoWIHknn

— Karan Johar (@karanjohar) January 9, 2020

އިންޑިޔާގެ ސްޕައި އެއްކަމަށްވާ ރާމޭސްވަރ ނާތް ކާރޯ (އާރު.އެން.ކާރޯ) މައްޗަށް ލިޔެފައިވާ މި ފޮތުގައި އޭނާ އިންޑިޔާގެ އެކްޓާނަލް އިންޓަލިޖެންސް އޭޖެންސީގެ މަސައްކަތާއި، ދުނިޔޭގައި ނަން ހިނގާ މީހަަކަށް ވުމަށް އޭނާ ކުރި މަސައްކަތް ހިމަނާފައި ވެއެވެ. މި ފޮތް ނެރެފައިވަނީ މިދިޔަ އަހަރުގެ ނޮވެންބަރު މަހު އެވެ.

ކާރޯ އެކްޓާނަލް އިންޓަލިޖެންސް އޭޖެންސީގެ ފުރަތަމަ ޗީފް އަދި ފައުންޑާވެސް މެއެވެ. އޭނާ ދުނިޔެ ދޫކުރީ 2002 ވަނަ އަހަރު ޖެނުއަރީ 20 ވަނަ ދުވަހުއެވެ.

ދަރްމާ ޕްރޮޑަކްޝަންގެ ދަށުން ނެރުމަށް ހަމަޖެހިފައިވާ މި ފިލްމު ކާމިޔާބު ފިލްމަކަށް ވާނެ ކަމަށް ގިނަ ގަބޫލް ކުރެވެއެވެ.