ކުޅުދުއްފުށީ ޓާސްކް ފޯސްއާއެކު މަސައްކަތް ކުރާނެ ވޮލަންޓިއަރުން ހޯދަނީ

ކޮވިޑް-19 ޓަސްކްފޯސްއާއެކު މަސައްކަތް ކުރަން ކުޅުދުއްފުށިން ވޮލަންޓިއަރުން ހޯދުމަށް އިއުލާންކޮށްފި އެވެ.

ކުުޅުދުއްފުށީ ރީޖަނަލް ހޮސްޕިޓަލުން ކުރި އިއުލާނެއްގައި ބުނެފައިވަނީ ވޮލެންޓިއަރުންނާއެކު ޓާސްކްފޯހުން ކުރަން ރޭވިފައިވާ ހުރި މަސައްކަތްތަކުގެ ތެރޭގައި ޑޯޓުޑޯ ވިޒިޓްކޮށް، ފުލޫ ކްލިނިކް ތައްޔާރުކުރުމާއި، ކޮވިޑް-19 އެވެއާރނަސް ފްލަޔާސް ބެހުމުގެ އިތުރުން ކޮވިޑް-19 ކޮމާންޑް ސެންޓަރާއެކު މަސައްކަތް ކުރުން ހިމެނޭކަމަށެވެ.

އެގޮތުން މިކަމަށް ޝައުގުވެރިވާ ފަރާތްތަކުން ނަމާ، އެޑްރެސް އަދި ގުޅޭނެ ނަންބަރު ޖައްސަވާ މިރޭ 23:00 ކުރިން ކޮވިޑް-19 ހެލްޕްލައިން 7606688 އަށް މެސެޖު ކުރުމަށް ވަނީ އެދިފައެވެ.

ކޮވިޑް-19 ވައިރަހާއި ގުޅިގެން ރާއްޖޭގެ ހުރިހާ ރަށެއްގައިވެސް ޓާސްކްފޯސް އެކުލަވާލާފައިވާއިރު އެފަރާތްތަކުން ދަނީ ރައްޔިތުންގެ ރައްކާތެރިކަން ކަށަވަރުކުރުމަށް ގިނަ ކަންތައްތަކެއް ކުރަމުންނެވެ. މިހާތަނަށް މި ވައިރަަހަށް ރާއްޖޭން 13 މީހަކު ޕޮޒިޓިވް ވެފައިވާއިރު އެއީ ހުސް ބިދޭސީންކަން ފާހަގަ ކުރެވެއެވެ.