ބޭސް ޝިޕްމެންޓް ބުރާސްފަތި ދުވަހު ރާއްޖެ ގެންނަނީ

Mar 31, 2020

އިންޑިއާ އިން ރާއްޖެ ނުގެނެވި ހުރި ބޭސް ޝިޕްމަންޓް އަންނަ ބުރާސްފަތި ދުވަހު ރާއްޖެ ގެންނަނަން ފޮރިން މިނިސްޓްރީން ނިންމައިފި އެވެ.

އިންޑިޔާއިން ބޭސްގެނައުން ލަސްވެގެން ދިޔައީ އެ ގައުމު 21 ދުވަހަށް ލޮކްޑައުން ކުރުމާއި ގުޅިގެންނެވެ. އެ ގައުމުން އެ ފިޔަވަޅު އެޅިއިރު، އެސްޓީއޯ އިން އޯޑަރު ކޮށްފައިވާ އަށް ޓަނުގެ ބޭސް ހުރީ އެ ގައުމުގައި ނުގެނެވި ތާށިވެފަ އެވެ.

އެ ބޭސްތައް ތާށިވެފައި ހުރީ އިންޑިއާގެ އެކި ސިޓީތަކުގަ އެވެ. ފޮރިން މިނިސްޓްރީން ބުނިގޮތުގައި، ނިއުދިއްލީ، މުމްބާއީ، ޗެންނާއީ އަދި މަދޫރާއީގައި ހުރި އަށް ޓަނުގެ ބޭސް ރާއްޖެ ގެނައުމަށްޓަކައި އިންޑިއަން އެއާފޯސްގެ މަތިންދާބޯޓުތަކުން އެއްތަނަކަށް މާދަމާގެ ވަގުތެއްގައި ގެންދާނެ އެވެ.

އަދި އެ ބޭސްތައް ރައްކާތެރިކަމާ އެކު ރާއްޖެ ގެނައުމުގެ މަސައްކަތް ރާއްޖޭގެ ދިފާއީ ބާރާއި އިންޑިއާގެ އަސްކަރިއްޔާ ގުޅިގެން ފަށާފައިވާ ކަމަށް ވެސް މިނިސްޓްރީން މައުލޫމާތު ދެއެވެ.

ބޭސްތައް ރާއްޖެ ގެނައުމަށް ހަމަޖެހިފައިވަނީ އިންޑިއަން އެއާފޯސްގެ މަތިންދާބޯޓެއްގަ އެވެ.

އިންޑިއާގައި ނުގެނެވި ތާށިވެފައި ހުރި އަށް ޓަނުގެ ބޭސް ރާއްޖެ ގެނައުމުގެ މަސައްކަތް ކުރަމުން އަންނައިރު، އެ ގައުމުން ވަނީ ކޮވިޑް-19އާ ގުޅިގެން ރާއްޖެ އަށް ތިން މަހުގެ ބޭސް ހިލޭ އެހީގެ ގޮތުގައި ދޭން ނިންމައިފަ އެވެ.

އިތުރު ލިޔުންތައް

ކޮރޯނާ ވައިރަސް

މިލިޔުމާއި ގުޅޭ