މެލޭޝިޔާގައި ތިބި 197 ދިވެއްސަކު ރާއްޖެ ގެނެސްފި

ކޮވިޑް-19 އާ ގުޅިގެން ދަތުރުފަތުރު ހުއްޓާލުމާއި ގުޅިގެން ރާއްޖެ ނާދެވި މެލޭޝިޔާގައި ތިބި ދިވެހިންގެ ތެރެއިން 197 މީހަކު ރާއްޖެ ގެނެސްދީފި އެވެ.

މެލޭޝިޔާގައި ތިބި ދިވެހިންގެ ތެރެއިން އަންނަން ބޭނުންވާ ދިވެހިންނަށް އަމާޒުކޮށް މޯލްޑިވިއަން މިއަދު ވަނީ ދަތުރެއް ކޮށްފަ އެވެ. އެ ދަތުރުގައި 197 މީހަކު ރާއްޖެ އައެވެ. އެ މީހުން މިހާރު ތިބީ ކަރަންޓީނުގަ އެވެ.

ދަތުރުފަތުރު ހުއްޓިފައިވާތީ ވަރަށް ގިނަ ގައުމުތަކުގައި ތިބި ދިވެހިން ރާއްޖެ ނާދެވިފައި ވެއެވެ. އެ އެންމެން ރާއްޖެ ގެނައުމަށް ސަރުކާރުން ދަނީ މަސައްކަތް ކުރަމުންނެވެ.

އެގޮތުން މޯލްޑިވިއަންއިން ވަނީ އިންޑިއާގައި ތިބި ދިވެހިންގެ ތެރެއިން 200 މީހަކު ގެނެސްފަ އެވެ. އަދި ސްރީ ލަންކާގައި ތިބި ދިވެހިންގެ ތެރެއިން 100 މީހަކު ވެސް ގެނެސްދިނެވެ.

އަދިވެސް އިންޑިއާ، ލަންކާ އަދި މެލޭޝިޔާއަށް ދަތުރުތަކެއް ކުރުމަށް ނިންމާފަ ފައިވާކަމަށާއި އަދި އެނޫން ގައުމުތަކުގައި ތިބި ދިވެހިން ވެސް ރާއްޖެ ގެނެވެންދެން ނުވަތަ އެ މީހުންނަށް ރާއްޖެ އާދެވޭނެ މަގެއް ފެންނަން ދެން ދިވެހިން ގެނައުމުގެ މަސައްކަތް ކުރަމުން ދާނެ ކަމަށް މޯލްޑިވިއަންއިން ވަނީ ބުނެފަ އެވެ.