ކަރަންޓީނު ފެސިލިޓީތަކުގައި ތިބި 325 މީހަކު ދޫކޮށްލާފައިވާކަމަށް ސަރުކާރުން ބުނެފިއެވެ. މިހާރު އައިސޮލޭޝަން ފެސިލިޓީތަކުގައި 12 މީހަކު އެބަތިބި ކަމަށާއި ކަރަންޓީނު ފެސިލިޓީތަކުގައި 1019 މީހަކު އެބަތިބި ކަމަށެވެ.
މިރޭ ބޭއްވި ނޫސްވެރިންްގެ ބައްދަލުވުމުގައި ރައީސް އޮފީހުގެ އަންޑާ ސެކްރެޓަރީ މުހައްމަދު މަބްރޫކު އަޒީޒު ވިދާޅުވީ ކަރަންޓީނުގައި ތިބި މީހުންގެ ތެރެއިން މިއަދުވެސް 28 މީހަކު ދޫކޮށްލާފައިވާ ކަމަށެވެ.
މިދިޔަ މަހުގެ 21 އިން ފެށިގެން ރާއްޖެ އަންނަ ހުރިހާ ދިވެހިންވެސް ރާއްޖެ އައުމަށްފަހު ސަރުކާރުން ކަނޑައަޅާތަނެއްގައި 14 ދުވަހުގެ ކަރަންޓީނު މުއްދަތު ފުރިހަމަ ކުރަންޖެހެއެވެ. މީގެ އިތުރުން ރިސޯޓުތަކުގައި ތިބި މުވައްޒަފުންނަށްވެސް އެ ރިސޯޓަކުން ފޭބޭނީ، ރިސޯޓުގައި ޗުއްޓީ ހޭދަކުރި އެންމެ ފަހު ފަތުރުވެރިޔާ ފުރާތާ 14 ދުވަސް ފަހުންނެވެ.
ކަރަންޓީނުން ދޫކޮށްލާ މީހުން ދޫކޮށްލަނީ 14 ދުވަސް ހަމަވުމުން ކޮވިޑަށް ޓެސްޓުކޮށް ނެގެޓިވް ވުމުންނެވެ. މިހާތަނަށް 18 ރިސޯޓަކަށާއި 43 ސަފާރީއެއްގެ މުވައްޒަފުންނަށް ރިލީޒް ދީފައިވާކަމަށް މަބްރޫކު ވިދާޅުވިއެވެ.
ރާއްޖެއިން 19 މީހަކު ކޮވިޑަށް ޕޮޒިޓިވް ވެފައިވާއިރު 13 މީހަކު ވަނީ ބަލިން ރަނގަޅުވެފައެވެ.
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
އިޒްރޭލު ޕާސްޕޯޓު މަނާކުރުން އަވަސްކުރަން ގޮވައިލި ގަރާރު ބޭރުކޮށްލައިފި
ރާއްޖޭގޭ ފުރަތަމަ އައިއެސްއޯ ސަޓިފައިޑް ކޯލް ސެންޓަރަކަށް އުރީދޫގެ ކޯލް ސެންޓަރ
އުރީދުގެ ހާއްސަ އާންމު ޖަލްސާ އަންނަ މަހު ބާއްވަނީ
