ކުށާއި ދަރަނީގެ ރެކޯޑް މެއިލް މެދުވެރިކޮށް ސާފުކުރެވޭނެ އިންތިޒާމް ހަމަޖައްސައިފި

ކޮވިޑް-19 އާ ގުޅިގެން ރާއްޖޭގައި ސިއްހީ ކުއްލި ނުރައްކަލުގެ ހާލަތު އިއުލާން ކޮށްފައިވާ މުއްދަތުގަައި ކުށާއި ދަރަނީގެ ރެކޯޑް އީމެއިލް މެދުވެރިކޮށް ސާފުކުރެވޭނެ އިންތިޒާމް ހަމަޖައްސައިފި އެވެ.

ކޮވިޑް-19 އާ ގުޅިގެން ސިއްހީ ކުއްލި ނުރައްކަލުގެ ހާލަތު އިއުލާންކޮށް، ރައްކާތެރިކަމުގެ ގިނަ ފިޔަވަޅުތަކެއް ސަރުކާރުން ގެންދަނީ އަޅަމުންނެވެ. އެގޮތުން އޮފީސްތަކާއި ސްކޫލްތައް ވަނީ ބަންދުކޮށްފަ އެވެ.

ޑިޕާޓްމެންޓް އޮފް ޖުޑީޝަލް އެޑްމިނިސްޓްރޭޝަނުން ނެރުނު ބަޔާނުގައި ބުނީ ޑީޖޭއޭއިން ފޯރުކޮށްދޭ ކުށާއި ދަރަނީގެ ރެކޯޑް ސާފުކުރަން ބޭނުންވާ ނަމަ، އެކަމަށް އޮންނަ ފޯމް ފުރިހަމަކުރުމަށް ފަހު އައިޑީ ކާޑުގެ ކޮޕީއަކާ އެކު އީމެއިލް ކުރުމުން އީމެއިލް މެދުވެރިކޮށް ޖަވާބު ލިބޭނެ ކަމަށެވެ.

ކޮވިޑް-19 އާ ގުޅިގެން ހިދުމަތްތައް މެދުކެނޑިފައި އޮތްނަމަވެސް ކޮންމެހެން ކުރިއަށް ގެންދަން ޖެހޭ ޝަރީއަތްތަކާއި ބަންދާ މެދު ގޮތެއް ނިންމުން ފަދަ މަސައްކަތްތަކަށކުރިއަށް ގެންދެ އެވެ. އަދި އީމެއިިލް މެދުވެރިކޮށް މައްސަލަ ހުށަހެޅުމުން އެ މައްސަލަތައް ބަލައި ގަނެ އެވެ.