މޯލްޑިވިއަންގެ އެތެރެގެ އުދުހުންތައް ހުއްޓާލައިފި

މާލޭ 24 ގަޑިއިރަށް ލޮކްޑައުން ކުރުމާއި ގުޅިގެން ގައުމީ އެއާލައިން މޯލްޑިވިއަންގެ އެތެރޭގެ އުދުހުންތައް ވަގުތީގޮތުން މެދުކަނޑާލައިފި އެވެ.

އެތެރޭގެ އުދުހުންތައް މެދުކަނޑާލީ މާލެ "ލޮކްޑައުން" ހާލަތަށް ގެނެސްފައިވާތީ އެޗްޕީ.އޭއިން ވަކި ގޮތަކަށް އަންގަންދެން ކަމަށެވެ. މޯލްޑިވިއަން ބުނީ

ލޮކްޑައުން ކުރުމާއި ގުޅެގޮތުން އެޗްޕީއޭއިން ނެރުނު އިއުލާނުގައި ބުނީ މާލެ، ހުޅުމާލެ އަދި ވިލިމާލޭގައި އެއްގަމު އުޅަނދު ދުއްވުމާއި މަގު މައްޗާއި އާންމު ތަންތަނަށް ނުކުމެ އުޅުން މަނާވާނެ ކަމަށެވެ. އަދި ޕަބްލިކް ޓްރާންސްޕޯޓް ވެސް ހުއްޓާލަން ވަނީ އަންގާފަ އެވެ. ކުރިއަށް އޮތް 24 ގަޑިއިރަށް މާލެ، ހުޅުމާލެ، ވިލިމާލެ، ތިލަފުށި، ގުޅިފަޅަށް މީހުން އަރާ ފޭބުން ވަނީ މަނާކޮށްފައިވާ ކަމަށް ވެސް އިއުލާނުގައިވެ އެވެ.

ކޮވިޑް19 އާ ގުޅިގެން ގިނަ ރިސޯޓްތަކެއްގައި މަސައްކަތް ކުރަމުންދާ މުވައްޒިފުންނަށް ޗުއްޓީ ދިނުމާއި ގުޅިގެން އެތެރޭގެ އުދުހުންތަކަށް ވަނީ ވަރަށް ބާރު ބޮޑުވެފައެވެ. އެކަމާއި ގުޅިގެން ބައެއް ހިސާބުތަކަށް ކުރާ ދަތުރުތައް ވަނީ މީގެ ކުރިން އިތުރުވެސް ކޮށްފައެވެ.

މާލެ ލޮކްޑައުންގެ ހާލަތައް ގެނެސްފައިމިވަނީ މިއަދު މާލެއިން ކޮވިޑް-19 އަށް ޕޮޒިޓިވް މީހަކު ފެނުމާއި ގުޅިގެންނެވެ. އޭނާ މިހާރު ވަނީ އައިސޮލޭޝަން ފެސިލިޓީއަކަށް ގެންގޮސްފަ އެވެ. އޭނާ ދިރިއުޅޭ ގޭގެ ސަރަހައްދު ވެސް ވަނީ ބަންދުކޮށްފަ އެވެ.