މާލެ ލޮކްޑައުން ކުރުމާއި ގުޅިގެން އާސަންދަ ކުންފުންޏާ ސިއްހީ ހިދުމަތް ދޭ ބައެއް މަރުކަޒުތައް ގުޅިގެން އޮންލައިން ކްލިނިކްތަކެއްގެ އިންތިޒާމު ހަމަޖައްސައިފި އެވެ.
މާލޭން ބަލި ޖެހިފައިވާ މިހާކު ފެނުމުން 24 ގަޑިއިރަށް މާލެ ސަރަހައްދު ވަނީ ލޮކްޑައުން ކޮށްފަ އެވެ. އެ މުއްދަތުގައި މާލެ ސަރަހައްދުގައި ހިމެނޭ މާލެއާއި، ހުޅުމާލެއާއި، ވިލިމާލެއާއި، ގުޅިފަޅާއި، ތިލަފުށީގައި މަގުމަތީގައި އުޅުން ވަނީ މަނާކޮށްފަ އެވެ. އެ ރަށްތަކަށް ދެމެންދާ ޕަބްލިކް ޓްރާންސްޕޯޓުގެ ހިދުމަތް ވެސް ވަނީ މެދުކަނޑާލައިފަ އެވެ.
އާސަންދަ ކުންފުނިން ބުނި ގޮތުގައި އޮންލައިން ކްލިނިކްތަކުގެ ގޮތުގައި ހަމަޖައްސާފައި ވަނީ މާލެ އިން ނުވަ މަރުޒަކާއި އައްޑޫ ސިޓީން އެއް މަރުކަޒެއްގަ އެވެ.
އޮންލައިން ކްލިނިކްތަކާއި ގުޅޭނެ ނަންބަރު
• އޭޑީކޭ، ކ. މާލެ - 3313553
• ކުލުނު މެޑިކަލް، ކ. މާލެ - 4003311
• ޕްރައިމެކްސް މެޑިކެއާ، ކ. މާލެ - 3330511
• ފެމިލީ ކެއާ، ކ. މާލެ - 3300767
• އިމޭޖް ސެންޓަރު، ކ. މާލެ - 3302051
• އެއިމްސް ޑައިގްނޯސްޓިކް ސެންޓަރު، ސ. ފޭދޫ - 6988091
• އިންސްޓިޓިއުޓް އޮފް މެޑިކަލް ވެބް ބިއިން، ކ. މާލެ - 3337892
• އައިކެއާ ހޮސްޕިޓަލް، ކ. މާލެ - 3321026
• ފަސްޓް ކެއާ މެޑިކަލް ސެންޓަރު، ކ. މާލެ - 3329449
• ސެނަހިޔާ ހޮސްޕިޓަލް، ކ. މާލެ - 7969897
މާލޭން ކޮވިޑް-19 އަށް ޕޮޒިޓިވްވި މީހާއާ ސީދާ ކޮންޓެކްޓްވި 54 މީހަކު އެކަހެރި ކޮށްފައިވާއިރު، އޭނާއާ އެހެނިހެން ގޮތް ގޮތރުން ބައްދަލުވި އިތުރު 50 އަށް ވުރެ ގިނަ މި ވަގުތަށް ގޭގައި ތިބުމަށް މަޑު ކުރަން ވަނީ އަންގައިފަ އެވެ.
އާސަންދަ ކުންފުނީގެ އިސްތިމާސް އަކީ މި ހާލަތުގައި ހުރިހާ އެންމެން ވެސް ރައްކާތެރި ކަމަށް އިސްކަންދީ އެޗްޕީއޭއާއި ކަމާ ގުޅުން ހުރި އިދާރާތަކުން ދޭ އިރުޝާދުތަކާ އެއް ގޮތަށް އަމަލު ކުރުމަށެވެ.
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
އިޒްރޭލު ޕާސްޕޯޓު މަނާކުރުން އަވަސްކުރަން ގޮވައިލި ގަރާރު ބޭރުކޮށްލައިފި
ރާއްޖޭގޭ ފުރަތަމަ އައިއެސްއޯ ސަޓިފައިޑް ކޯލް ސެންޓަރަކަށް އުރީދޫގެ ކޯލް ސެންޓަރ
އުރީދުގެ ހާއްސަ އާންމު ޖަލްސާ އަންނަ މަހު ބާއްވަނީ
