ކާބޯތަކެތި ގަތުމަށް ގިނަ ބަޔަކު ކުޅުދުއްފުއްޓަށް ޖަމާވެއްޖެ

މިއަދު އިރުއޮއްސި 6 ޖަހާއިރު މުޅި ރާއްޖެ ލޮކްޑައުންކުރަން ސަރުކާރުން ނިންމާފައިވާތީ އަތޮޅުތެރޭގައި ގިނަ ބަޔަކު ކާބޯތަކެތި ގަތުމަށް ކުޅުދުއްފުއްޓަށް ޖަމާވެއްޖެ އެވެ.

އުތުރުގެ ވިޔަފާރީގެ މައި މަރުކަޒު، ކުޅުދުއްފުއްޓަށް މިއަދު ހެނދުނު ފެށިގެން ސަރަހައްދުގެ ރަށްތަކުގެ ރައްޔިތުން މުދާ ގަތުމަށް ދަނީ އަންނަމުންނެވެ. މިއަދު މެންދުރުފަހު އެއްފަހަރާ ގިނަ ބަޔަކު ރަށަށް ޖަމާވެ، ފިހާރަތައް ވަނީ ފުރާލާފައި އެވެ.

ސިއްހީ މާހިރުންގެ ލަފާއާ ހިލާފަށް މީހުންތައް ބޮޑިޖެހި ފިހާރަތަކުގައި އާއި މަގުތައް ވަނީ ފުރިބާރުވެފައި އެވެ. އޭޓީއެމްތަކުގައި ފައިސާ ނެގުމަށް ކިޔުތައް ދަމާލާފައިވާއިރު ގައިދުރުކަން ބަހައްޓާފައިނުވާކަން ފާހަގަކުރެވެ އެވެ.