ރާއްޖެއިން ކޮވިޑް ޖެހުނު އިތުރު މީހަކު ރަނގަޅު ވެއްޖެ

ރާއްޖޭގައި ކޮވިޑް-19 ޖެހިގެން ފަރުވާ ދެމުންދިޔަ އިތުރު މީހަކު ރަނގަޅުވެއްޖެ އެވެ.

ރާއްޖޭން އިތުރު މީހަކު ބަލިން ރަނގަޅުވުމާއެކު މިހާތަނަށް ރާއްޖެ ބަލި ރަނގަޅުވި މީހުންގެ އަދަދު ވަނީ 18 އަށް އަރާފައެވެ.

އެޗްޕީއޭއިން މިރޭ އާންމުކުރި ތަފާސް ހިސާބުތަކުން ދައްކާ ގޮތުން ފާއިތުވެގެން ދިޔަ 24 ގަޑިއިރުތެރޭގައި ވަނީ ކޮވިޑް-19 ޖެހިފައިވާ އެކަކު އެ ބަލިން ރަނގަޅުވެފަ އެވެ. ނަމަވެސް އެއީ ކޮންގައުމަކަށް ނިސްބަތްވާ މީހެއް ކަމެއް ހާމަކޮށްފައެއް ނުވެ އެވެ.

މިހާތަނަށް ރާއްޖެއިން ޕޮޒިޓިވްވި މީހުންގެ ޖުމްލަ އަދަދު މިރޭ ވަނީ 519 އަށް އަރާފަ އެވެ. އޭގެތެރޭގައި ހިމެނެނީ ބަންގްލަދޭޝްގެ 265 މީހުންނާއި، 178 ދިވެހީންނާއި 52 އިންޑިއާ މީހުންނާއި އިޓަލީގެ 11 މީހުންނާއި ޕާކިސްތާންގެ ތިން މީހަކާއި ނޭޕާލް ތިން މީހުންނާއި ލަންކާ ތިން އަދި އެހެނިހެން ގައުމުތަކުން ހަތަރު މީހެކެވެ.

ކޮވިޑް-19 ޖެހިފައިވާ މީހަކު ރަނގަޅުވިކަމަށް ނިންމަނީ ބަލީގެ އަލާމާތްތައް މީހާގެ ކިބައިން ފިލައި، ދެ ޓެސްޓް ނެގެޓިވް ވުމުން އެވެ.