އެމްއެންޑިއެފުން އިމަޖެންސީ ވެންޓިލޭޓަރެއް އުފައްދައިފި

މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިމަޖެންސީ ވެންޓިލޭޓަރެއް އެފައްދައިފި އެވެ.

އެމްއެންޑީއެފްގެ މީޑިއާ އޮފިޝަލް، މޭޖަ އިބްރާހިމް އާޒިމް ވިދާޅުވީ، އެ ސާވިސްގެ ކޯޕްސްގެ ސިގްނަލްސް އިން ވެންޓިލޭޓަރު އުފައްދަން ފެށީ މިދިޔަ މަހުގެ 18 ވަނަ ދުވަހު ކަމަށެވެ. އަދި އިމަޖެންސީ ވެންޓީލޭޓަރަކީ، ޕްރޮޓޯޓައިޕް އަކަށް ވުމުން އެފަދަ ސިއްހީ ސާމާނު ބޭނުންކުރުމުގެ ކުރިން ހަމަޖެހިފައިވާ އުސޫލުން ޓެސްޓުތަކާއި ޓްރަޔަލްތައް ކުރިއަށްގެންދާނެ ކަމަށްވެސް ވިދާޅުވި އެވެ.

މި ވެންޓިލޭޓާރަކީ ހަލާކުވެފައިވާ އިލެކްޓްރޯނިކް ސާމާނު ބޭނުންކޮށްގެން، 14 ދުވަހުގެ ތެރޭގައި ހަދާފައިވާ ދުވަސްތެރޭގަ އެވެ.

ޑިފެންސް މިނިސްޓަރު މާރިޔާ އަހުމަދު ދީދީ ކުރެއްވި ޓްވީޓެއްގައި ވިދާޅުވީ އެމްޑީއެފުން ވަނި އެ މީހުން އަމިއްލަ އަށް ވެންޓިލޭޓަރެއް އުފައްދާފައި ކަމަށާއި އެކަމަށްޓަކައި ފަހުރުވެރިވަޑައިގަންނަވާ ކަމަށެވެ.

ސަރުކާރުން ވަނީ ރާއްޖެ އަށް ބޭނުންވާ ގިނަ ވެންޓިލޭޓަރުތަކެއް ހޯދަން ބަޔަކާ ހަވާލުކޮށްފަ އެވެ. އޭގެ ތެރެއިން ބައެއް ތަކެތި މިހާރު ވަނީ ލިބިފަ އެވެ. ކޮވިޑް-19 ގައި ހާލު ސީރިއަސްވާ މީހުންނަށް ފަރުވާ ދެނީ ވެންޓިލޭޓަރުގެ އެހީގަ އެވެ.